2015年3月26日 星期四

甩拖傅明憲風騷歐遊 [壹週刊 - 1307] 傅明憲,M1,



法國滑雪

近日傅明憲和吳文忻(右一)等去了法國滑雪,傅明憲沒半點失戀落寞,影相時更嘟嘴扮 cute,心情靚!

探熱針

甩拖傅明憲風騷歐遊

傅明憲同坐擁八十億資產的莊士集團太子爺莊家彬發展姊弟戀,一直遭到莊父打壓,去年有指台灣女音樂人介入,九年感情終於不堪一擊,宣布玩完。四十四歲先嚟失戀,但傅明憲卻絲毫無損,仲有心情聯朋結友去英、法滑雪豪玩,親身演繹活得比你好。

吳文忻陪玩

同莊家彬分手三個多月,被飛的傅明憲繼續過上等人疏乎生活。今年一月開始,傅明憲的足跡遍布台、日、美、英、法。

回復單身之旅,行程以台北作為起點,接住一月尾到日本滑雪。玩完亞洲區,二月再去加拿大 Whistler滑雪,順道返溫哥華同父母過農曆新年,一直留到三月初。

傅明憲未玩夠,之後再起程到歐洲,跟吳文忻等大班朋友玩勻英、法兩地,日日歎香檳、滑雪,超爽!

雖然已 44歲,但此行傅明憲有玩滑翔傘和滑雪,活力十足。

邊滑雪邊飲香檳,上等人生活。

英國歎 tea

同吳文忻等唔只去法國,連一海之隔的英國都去埋,日日食好嘢歎 tea。

唔使靠男人

三個多月以來,食玩瞓叉足電,外遊相中的傅明憲,全程嘟嘴 bling bling眼, high爆!身為傅明憲好友的四洲太子女戴凱欣,亦直言不覺好姊妹受情傷。

「之前大家聚會,佢都冇異樣。」反而負心漢莊家彬為淡化事件,一直龜縮唔敢見人。

「 GiGi(傅明憲)一向好識照顧自己,最緊要過得開心。佢同家彬呢幾年離離合合,對呢啲嘢已經睇得好開,當年同葉劍波離婚,佢前夫五千萬賣咗富豪海灣間屋,分咗筆錢俾 GiGi,加埋佢自己啲私己錢同投資,本身都係小富婆,唔使靠人。有大把朋友,生活又冇壓力,玩到幾時返香港都得。」知情人說。

莊家彬一直被父親反對同傅明憲拍拖,年頭更逼他辭去莊士集團執行董事職務,他無奈同傅明憲斬纜,但無損傅明憲尋歡心情。

06年葉劍波的公司傳出賬目有問題,他一度「失蹤」,但並沒影響傅明憲心情,她繼續留港過酒照飲、舞照跳的生活,之後更認識了莊家彬。

加國探親

新春返加拿大陪母親石慧,之後傅明憲在當地逗留到三月頭。

台灣夜蒲

早前傅明憲去了台灣探朋友,夜夜狂歡甚風騷。

傅明憲向來喜愛夜蒲,去年十一月被拍得跟男士在夜場玩得甚放。(《蘋果日報》圖片)

鍾意就快D Share啦!
Related Posts Plugin for WordPress, Blogger...