探熱針
代理瘦面產品 歪面楊秀惠做生招牌
因為忽然歪面，楊秀惠被指整容失敗，當事人堅稱冇打過針整容，但歪面情況一直持續幾年，才有改善。邊度跌低，邊度起番身！楊秀惠早前開美容店，鎮店之寶竟是瘦面產品，見過鬼唔怕黑，自己仲做埋生招牌，食腦！
位於銅鑼灣黃金廣場內的 That'so店，面積大概二百呎，內裡除了擺放瘦面及美白產品外，還有楊秀惠的海報及影片播放。
重手咗
○四年代表馬來西亞參加國際華裔小姐落選的楊秀惠，天生包包面，○九年，因為忽然出現大細面，被傳整容失手。
「當時 Vivien除咗用自己代言嘅瘦面產品，另外仲有打 botox，因為嗰陣好流行，不過佢就打得重手咗，搞到塊面歪埋一邊，其實 botox只要唔 keep住打，九個月左右就會完全流失，但佢嚴重到歪埋一邊，所以用咗幾年時間，先回復正常。」楊秀惠身邊人透露。
做白老鼠
雖然如此，但楊秀惠並無因為歪面而對美容產品及技術落閘，繼續做白老鼠。去年，她開了間美容店代理一隻意大利瘦面產品，自己做埋生招牌。
記者到楊秀惠位於銅鑼灣黃金廣場的「 That'so」了解，店面大約二百呎，店內放了些瘦面、美白產品，還貼住楊秀惠代言的海報和只有一位店員。
「除咗拍劇， Vivien平時都好無聊，香港朋友又唔多，所以咪搞間美容店試吓囉！市面上有咁多瘦面產品，佢自己做白老鼠試過好多唔同嘅牌子先搵到呢隻；上年佢傾掂咗做香港、澳門、新加坡、馬來西亞同台灣五個地方代理權，就租咗個鋪打開門口做生意， Vivien曾經因為瘦面搞到出事，而家自己竟然代理瘦面產品，某程度都係綽頭！」
唔使養家
○四年簽約無綫至今，楊秀惠一直被公司安排飾演三、四線角色，十年來毫無突破。
「屋企係做生意有啲錢，佢唔使養家，所以冇壓力，不過佢都冇氣餒，仲等緊機會，希望撞到個令觀眾有深刻印象嘅角色，所以一邊做生意一邊等。」楊秀惠身邊人說。
|
鍾意就快D Share啦！
|
|
|
