全城熱爆的娛樂八封新聞 & 時事趣聞 & 生活 + 趣聞
過去幾年，許志安、張衞健、蘇永康、梁漢文四兄弟組成 Big Four開演唱會拍廣告，搵埋唔少，但許安過檔太陽娛樂，唔再係「一家人」，蘇康梁炳唯有改同任賢齊、黃家強合組「男人幫」，另起發財爐灶。
Big Four焗住分家，上個禮拜四（三月十九日），《壹》仔撞到唔使再周圍巡迴唱嘅張衞健，一個人行又一城，買完茶葉再去書店睇書，大得閒！張衞健大把時間 hea，相反，已經開始為「男人幫」開工嘅梁漢文，就要爭取時間陪吓太太 Karen。星期日（二十二日），梁生梁太孖咇去咗圓方行街街，假日人逼人，但梁炳一樣咁眼利，好快就瞄到《壹》仔，仲手指指添。
許安轉會， Big Four焗散，唔使四圍飛巡迴唱嘅張衞健，悠閒到去茶具店買茶葉返屋企品茶。
去書店睇書，張衞健專攻勵志及修養系列。
陪太太 Karen行超市，推購物車粗重功夫，由梁漢文負責。
梁炳一眼關七，好快就揪出混喺人堆中嘅《壹》仔。
由 Big Four到男人幫，梁漢文同蘇永康都有份，發！
