2015年3月18日 星期三

王宗堯潮 cam扮娛記 [FACE - 408] 王宗堯,MF,



雖然王宗堯做娛記為《導》劇宣傳,不過都唔 hea做㗎!造型都抄足娛記,連大會公關都畀張記者貼紙佢。

男神當日用嘅係 Sony-qx1,大約$3,980。佢一共買咗 3支鏡,用咗成皮嘢㗎喇!

全知言

王宗堯潮 cam扮娛記

《選戰》後王宗堯變身男神,新劇《導火新聞綫》飾演爛撻撻記者,男神玩頹廢一向拿手。今次男神仲有另類宣傳,就係真係去《蘋果》做一日娛記。上週四( 12日)王宗堯就去咗採訪王菀之活動,佢戴黑框鏡、風褸、牛仔褲,外形就十足喇,連企喺佢隔籬嘅妹妹仔都唔知男神喺左近,可惜部相機就出賣咗佢,佢嗰部表面係 iPhone,但支鏡頭就係 Sony嘅高科技鏡頭,可以無線連接 iPhone,質素唔差過啲單反㗎,但唔會有娛記攞嚟影相囉。而男神就話:「呢部買咗成年喇,用咗成皮嘢買,我得閒都會用來玩吓。」

當日王宗堯企咗喺 fans同攝記中間,好專注咁影緊王菀之,驟眼睇似粉絲多過娛記喎。

鍾意就快D Share啦!
Related Posts Plugin for WordPress, Blogger...