Fiona透黑bra超sexy 讚祖名成熟大個仔
2015-03-17 23:09:00
（攝影：葉君海﹑沈健程）
張敬軒﹑鍾欣潼﹑佘詩曼﹑薛凱琪（Fiona）﹑鍾嘉欣﹑吳若希﹑王祖藍及陳展鵬等，今晚出席W Hotel舉行嘅「微博給力頒獎禮」。Fiona以性感see through打扮示人，並透出黑色bra，相當誘人，就連已為人夫嘅祖藍路過時，都口甜舌滑表示：「哇﹗好靚呀，早知我唔結婚住。」
Fiona今晚獲兩獎，問到係咪因為咁而性感回饋？佢話：「唔係，開始轉天氣。（祖藍話早知唔結婚住？）佢最叻搞笑，佢老婆高過我又好身材。」講到有冇同房祖名聯絡，Fiona表示有同祖名講電話，又指對方近況OK，但兩人仍未見面，佢話：「等佢自己講啦﹗不斷有電話聯絡，覺得佢0依家大個仔咗及成熟。（讚來讚去都係呢兩樣？）唱歌好聽咗。（佢喺電話唱畀你聽？）我感覺到佢腦電波。」祖名幾時返港？佢話：「我哋係互相信任朋友，講過佢的下落及去向係唔會講嘅。」
談到梁齊昕疑遭家暴，全城關注，Fiona表示有睇新聞，佢話：「我患過抑鬱症，亦有自殺傾向，好多嘢都係需要判斷。但身為市民唔想單憑一啲報道，而評論佢有冇病。」
Fiona續說：「其實我唔係話想教佢，但係任何人有抑鬱症，就要睇醫生及食藥，越早醫治越早好番。以前嘅自己唔會同人哋傾，唔會畀屋企人同朋友去關心自己，覺得自己係孭得起，我解決唔到嘅嘢，會沾沾自喜認為人哋都幫唔到我，所以唔識溝通，其實最重要畀機會身邊的人愛你。愛係最有用嘅藥，藥物只係暫時性控制腦分泌。」
Fiona性感打扮攞兩獎，又大談祖名近況。
|
鍾意就快D Share啦！
|
|
|
