2015年3月18日星期三

被彈鐘喊爆 35歲周家怡慨歎：真係好現實周家怡,

【專被派演妓女】被彈鐘喊爆 35歲周家怡慨歎：真係好現實

2015-03-17 23:25:00

爭取港視發牌，支持雨傘運動，毋懼醜化只為演好角色。三個周家怡，三個都令人愛。

2013年10月，政總，港視因為一男子關係不獲發免費電視牌照，佔據公民廣場集會、遊行，只為要一個「死因」。入夜了，台前幕後逐一上台發言，周家怡上台未幾，已經哭了:「我好多謝大家…」深深向台下鞠躬，又向自嘲「冇人識」嘅郭鋒說:「如果你都話你冇人識，咁我就係茄喱啡啦，我真係完全係……我真係想話俾大家聽，我入咗呢間公司，我好多謝呢間公司俾咁多機會我，多謝佢哋搵我做，俾咗好多機會我，我係未試過0架……我唔講為唔為香港，我真係冇去到咁偉大，但係我真係覺得今次好離譜……。」已泣不成聲。

事後周家怡解釋，當時佢並非擔心自己前途，只係擔心班同事。其時，無綫落井下石整條「愛回家」熱線，周家怡反問：「佢哋有冇接電話接到手軟？但我冇聽過身邊嘅人話打過，大家集中點係睇梁振英點回應，多過要打電話搵工。」

98年入無綫，今年周家怡35歲，96年於無綫電視藝員訓練班畢業，06年萬千星輝頒獎典禮憑《火舞黃沙》兔唇女茅小琴提名最佳女配角。第一個劇集係《真情》過鏡人，拍過嘅劇真係好多，但都係不離秘書小角出兩鏡已為人淡忘。《花花世界花家姐》演「哈皎皎」同王青父女檔演出，再受好評。但發展似乎亦僅此而已。

周家怡感激港視，因為港視願意俾佢機會，喺《導火新聞線》第一次做女主角。但周家怡亦好感謝大台，她謂，如今所得的，就是當年一點一滴喺大台累積回來。周家怡接受今日出版嘅周刊訪問謂，在大台的日子，拎劇本上手，一直揭揭揭咗好多版先至見到自己嘅戲份，頭幾年，來來去去都係飾演OL、秘書、性工作者。特別係後者，更加係經常做。

周家怡喺訪問中表示，入行頭幾年，最常被派角色就係性工作者:「古代做，現代又做，一路做呢啲，慢慢開始有名，由妓女A到『小紅』，慢慢開始要開會，見監製，仲要有天書，好好0架喇。」可是薄有名氣畢竟還是不夠，試過一次金秀賢來港，周家怡嘅經理人幫佢搭路，甚至話唔收錢都OK，但一樣俾人彈鐘。周家怡於訪問中憶述:「唔收錢佢哋都話唔使你嚟……嗰陣時有喊，覺得真係好現實。」

其實《導火》中的方凝，何嘗不是感受現實迫人。但最緊要有夢。有夢就有勇氣。