掃呢頁CODE去手機

2015年3月18日 星期三

家事法庭 窮到燶迷上癮 老母追斬迫吳綺莉問成龍攞錢 [FACE - 408] 吳綺莉,成龍,MF,



16/3

週一( 16日),吳綺莉在友人陪同下出門到 DBC電台為節目錄音,家門和電台外繼續有大批記者守候。

真面目

家事法庭 窮到燶迷上癮 老母追斬迫吳綺莉問成龍攞錢

藝人涉毒成日見,不過咁鋒迴路轉都真係頭一次:上週五,單親媽吳綺莉驚爆虐兒兼懷疑寓所藏疑似小量毒品,港聞背後,原來係 15歲卓林想幫酗酒媽媽重新做人!

靠一己之力揍大小龍女,其實 15年吳綺莉條路一直唔易行,據悉吳媽媽患有精神病,最激試過喺上海舞刀迫吳綺莉抱住個女返香港問成龍攞錢,所以 4年前吳綺莉同卓林搬回港住,喺大台發展未如理想、轉投商台亦低薪兼得罪高層,壓力爆煲至搞到酗酒又疑染惡習!

單親媽難做、稚女亦無罪,邊個最錯?之唔係播咗龍種又唔肯負責到底嗰位大哥囉!

撈唔掂商台轉投 DBC,閒時養下貓狗畫下油畫,回流吳綺莉日子表面過得疏肝,直至上週驚爆虐兒,才揭發單親悲歌。週一(16日),面容憔悴的吳綺莉在大批記者包圍下回電台做節目、對任何問題充耳不聞,女兒則仍然由社工照顧未能回家,傳虐兒事件最終點收科仍是未知之數。

相依為命 15年,去年中才出面撐媽媽畫展,想不到不夠一年,吳綺莉母女搞到上港聞頭版、卓林要交由社工照顧。

一樣係單親、吳綺莉出世不久父母已經分開不相往來,據悉吳媽媽一樣有情緒問題,搞到吳綺莉要由上海回流香港。

低薪養女

11年從上海回流香港,吳綺莉又拍劇又開咪,表面上不愁出路、實情去到邊都諸事不順:原來吳綺莉回港前本來搵契哥、有線高層曾展章搭路,傾好條件拍哂心口在有線頭炮出鏡,卻私自接洽大台樂小姐搞到同契哥都反面;一心以為大台有發圍,誰不知劇集《雷霆掃毒》、清談節目《女人有話兒》表現都唔討好,幕前工作無以為繼;靠志雲引薦入商台開咪,日薪僅僅過千還要抽兩成佣俾大台,仲得罪埋監製鄧潔明冇得撈,最後搞到靠 DBC電台一個節目養起自己同個女。最慘係多年來工作量極低卻仍然保持表面闊太生活,人人以為吳綺莉好在仲有個上海樓王富媽媽,據悉一樣係誤傳!

鬧上港聞後,吳綺莉率先接受好友 Nelson有線訪問,公開承認忽略女兒感受。

連日來卓林由社工照顧未能歸家,吳綺莉則在週日自駕外出選購寵物用品,面容憔悴不過狀態清醒。

阿女信耶穌

母女居住的大埔村屋外,有石獅裝飾,疑似卓林閨房則竪起十字架,母女性格大不同,連信仰亦不一樣。

阿媽拜神

有指吳媽媽鄭黎明唔只無力做水庫,更於多年前已經患上精神病,試過揮刀迫吳綺莉抱埋小龍女返香港問成龍攞家用,為保母女人生安全, 11年吳綺莉才逼不得已要回流!當然,內憂外患加經濟困局,都唔可以用作染上不良嗜好惡習,睇在個女咁生性份上,單親媽,加油!

當年在上海住大屋、用司機,吳綺莉回流後生活雖然樸素不少,不過仍然堅持送卓林入每年學費 13萬 6千的基督國際學校。

《蘋果日報》圖片

99年同成龍反面,堅持生女,卓林誕生不久,吳綺莉就為錢回港拍住佘詩曼任瘦身代言人。

圖片

不堪跟精神有問題母親同住,吳綺莉 11年回流拍劇《雷霆掃毒》,不過反應不如預期,大台亦再沒有工作敢安排。

圖片

原罪大哥

去年 8月,房祖名在成龍所贈豪宅內招呼朋友吸毒被北京公安拘捕落案,今年情人節才服完刑回家。

法新社圖片

吳綺莉因為獨力湊女加經濟壓力搞到染上惡習,卓林就因為沒有爸爸自感無助搞到要報警,兩母女搞到如今田地,成龍不聞不問不盡父責脫不了關係。不過啱啱出冊嘅祖名事實擺在眼前,無限銀彈供應、仲有豪宅任玩任用任開餐,得「龍爸」寵幸溺愛都未必係好事。

鍾意就快D Share啦!