掃呢頁CODE去手機

2015年3月18日 星期三

何雁詩積極收兵 [FACE - 408] 何雁詩,MF,



一身熱褲 look襯對 AJ7嘅何雁詩,可能有啲涼,同車男友人即刻除褸畀佢着,不過何雁詩話:「佢係識咗好耐嘅朋友!」

全知言

何雁詩積極收兵

最近除了陳瀅外,食住《 4個女仔 3個 BAR》氣勢,《巨聲》出身嘅何雁詩亦逐漸被高登仔關注。其實何雁詩一向桃花運暢旺,先後同過兩位巨聲仔木偶哥林師傑和謝東閔拍拖。上週日(7日)全知言見佢孖住毒男最愛陳瀅到荔枝角 D2Place商場探朋友,期間有位高大俊男貼身黐住何雁詩,仲除埋件褸畀何雁詩着,十足男友怕你凍親咁款。不過何雁詩就話:「我同佢識咗好耐, 09年《巨聲》就識,佢做幕後㗎。(係咪鐘意高大靚仔?) Exactly!」咁即係當人兵仔啦,唔知娘娘手下有幾多兵馬呢?

開頭入工廠大廈時除剩件白 tee,原來何雁詩身材都幾好,難怪收到咁多兵仔。

自拍完《 4》劇後,陳瀅、何雁詩經常都孖住出街,何雁詩位男性朋友全程黐實,仲連何雁詩用緊電話都偷𥄫。

着咗朋友件褸都未夠,何雁詩再加多件大褸先夠暖,呢啲係着熱褲嘅代價。

鍾意就快D Share啦!