掃呢頁CODE去手機

2015年3月18日 星期三

好重佬味 躁狂鎮宇駁火鬥神探基仔 [FACE - 408] 基仔,吳鎮宇,鎮宇,古巨基,MF,



吳鎮宇飾演江湖大佬發哥,坐咗 16年監,一出獄就想召集任達華等好兄弟食大茶飯!#大茶飯#出冊#吳鎮宇

貼圖區

好重佬味 躁狂鎮宇駁火鬥神探基仔

賀歲片鬥完,話咁快又到復活檔! 4月 2日上映的《衝鋒車》,有任達華、吳鎮宇、譚耀文、鄭浩南做四大劫匪,仲會同扮演精明神探的古巨基鬥智鬥力!

戲中有追車有駁火場面,角色性格超喪的華哥又會同鎮宇全程鬥嘴嗌交,將鎮宇火爆一面表露無遺,連華哥都話,「鎮宇嘅性格向來躁底,就算對鞋唔啱着都可以大鬧一場!」

呢股佬味濃成咁,如果加埋方中 sir仲得掂?

飾演警察的古巨基,其中一幕要爬上一架已遺棄的快艇上,雖然基仔本身畏高,都堅持唔用替身,不過佢話導演一嗌 cut就即刻腳軟!#鬥智鬥力#古巨基

吳鎮宇同任達華、譚耀文、鄭浩南偷咗架小巴,將佢改裝做衝鋒車冒警,希望以最唔見血嘅「和平」手段打劫。

雖然係賊,不過華哥同鎮宇其實係好人一個,中途遇上兩個強姦犯,即刻出手將佢哋剝光豬兼綁到實,再打 999報警!

第一次做導演的劉浩良真係將一架 16座小巴改裝成衝鋒車,完成品同真警車 100%相似,所以要靜雞雞去郊區拍,避免引起麻煩。你睇華哥個樣幾認真改裝緊呢!

好耐冇拍港產片嘅鄭浩南,戲中飾演性格內向嘅車手,同以往做大佬嘅形象好唔同。#鄭浩南#復出

鍾意就快D Share啦!