掃呢頁CODE去手機

2015年3月18日 星期三

中大萬人迷 驚喜達人 [FACE - 408 - 大專校園] MF,



女神 Babi𠵱家冇拍拖,理想對象竟然係坤哥吳業坤。如果第時拍拖男友係悶蛋都冇所謂,因為佢會照俾驚喜男友,睇嚟佢唔只係女神,仲係恐龍,絕晒種嗰隻。

U花 U草

中大萬人迷 驚喜達人

Profile

王若菲(Babi)

22歲

中大旅遊及款待管理系 Yr.2

港女愛驚喜,送禮問定對方鍾意乜又會嬲豬豬,現讀中大旅遊及款待管理系 Yr.2、 22歲嘅王若菲( Babi)就相反話:「我鍾意畀驚喜人多啲!」

個名叫 Babi,個樣又十足公主咁,唔識佢以為佢例牌又係港女公主病啲 friend,但原來 Babi好識氹同學及朋友歡心,「就算一啲識咗冇耐嘅朋友生日,我都會整蛋糕仔幫佢慶祝,識耐咗嗰啲更加會預備好多驚喜俾佢哋,好似親手整生日蛋糕擺喺學校儲物櫃入面,叫晒佢身邊啲人着 dress code聚會等等,我為朋友準備咁多驚喜,只因我好鍾意見到大家開心!」

Babi係兼職模特兒,出活動時連陳柏宇都話佢似鬼妹仔,不過 Babi就話佢份人好傳統,最鍾意玩古箏同畫水墨畫:「細細個媽咪就迫我學古箏,佢話鋼琴幾乎個個女仔都玩,想我學特別啲嘅樂器,初初學都冇乜 feel,不過學學吓就鍾意咗,之後接觸得多中國嘢,仲愛上埋書法同水墨畫添!」

為咗朋友生日, Babi(黃圈)可以去到幾盡?除咗安排動物 dress code,仲特登自費租場地嚟開派對。好羨慕有咁嘅朋友!

Babi話成日俾人誤會佢係混血兒,全因佢有一對「殭屍牙」,連陳柏宇出席電影宣傳《 KANO》時都係咁追問佢國籍,定係想搵藉口抄人牌咋?

Babi細細個學古箏,除咗係媽媽迫佢學,仲有一個小秘密,原來佢唔識睇五線譜!

讀緊旅遊嘅 Babi將來想做公關或者婚禮統籌,因為發自內心想幫人籌劃活動又令到客人開心,呢種工啱晒佢喎!

鍾意就快D Share啦!