網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月13日 星期五

慳家冧掂奶奶 男友巴黎求婚  Miki年尾入門 [忽然1周 - 1024] Miki,BKD_S,楊愛瑾,MW,



Miki與郭永淳近日開始高調出席公眾場合,證明好事近。

滾熱辣

慳家冧掂奶奶 男友巴黎求婚  Miki年尾入門

楊愛瑾( Miki)與男友郭永淳苦戀八年,雖然郭永淳與前妻 Constance多年來因贍養費鬧上法庭, Constance更多次在微博申訴,但卻無損 Miki與男友的感情。郭永淳去年尾突發聲明,力證 Miki非第三者,近日更在 facebook肯定其正印的地位,難怪傳出兩人好事近。

本刊收到最新消息,郭永淳在今年情人節,即 Miki三十歲生日當天,趁兩人歐遊期間,在巴黎求婚。 Miki在毫無心理準備下,既感動又激動,兩人更決定年尾擺酒。今次 Miki能順利入門,原來是慳家政策打動未來奶奶。



其他影片:>>Miki年尾嫁得出






Miki與郭永淳 07年拍拖以來,愛得低調,加上郭的前妻 Constance偶爾在微博呻爆,指 Miki是第三者,又因贍養費鬧上法庭,令郭家上下對於郭永淳與 Miki的感情不欲多提。

不過,郭老太原來早在兩年前已對 Miki另眼相看,「郭老太成日同佢哋( Miki與郭永淳)飲茶見面,只係同外人少提。郭老太好明白事理,亦很體諒 Miki嘅工作性質。好似兩年前 Miki出寫真集,郭老太都讚過啲相靚,亦冇話要佢婚後退出。」知情者說。

其實 Miki一向熱愛工作,她覺得女人要有自己的事業。「 Miki係九餅女出身,離開 Paco後停咗兩、三年冇做嘢,佢好想有自己嘅事業。郭老太知道後都好認同,而且 Miki平時好慳家,唔介意巴士出入,又唔好名牌。郭老太漸漸被打動,覺得 Miki唔貪錢,生活靠自己,完全接受呢個明星新抱,更何況,兩老都心急抱孫。」

郭母李宛群

郭老太出身名門,是養和醫院的董事,而丈夫郭志權是前永安集團主席,郭老太且思想開通,經多年觀察 Miki後,最終被 Miki的慳家性格感動。

Miki經常搭小巴,這種慳家的習慣終於冧掂郭老太俾佢入門。

郭母恨抱孫

去年,郭母開到口催兒子結婚,郭永淳亦即刻做嘢。他去年尾首先發聲明強調 Miki非第三者,當時 Miki出席活動時也說:「佢(指男友)都係準備得差唔多時先通知我。」當時被問及會否結婚? Miki還說:「感情穩定,未有計劃,隨緣喇。」

心思細密的郭永淳,深知女友喜歡小朋友,不想做高齡產婦。故今年情人節,亦即 Miki的三十歲生日當天,在歐遊期間,便在巴黎突然求婚,雖然鑽戒只有一卡左右,但 Miki非常感動。「 Miki話男友好浪漫,搵咗巴黎一間好出名嘅餐廳同佢食燭光晚餐,環境好有氣氛。食食吓男友就攞隻戒指出嚟求婚。 Miki當時感動到喊咗出嚟,話咁大個女,除咗做戲就係呢次。」

相對兩人的恩愛,前妻 Constance不停在微博上更新病情。

去年情人節兩人好像老夫老妻一樣,去超市買餸回家慶祝 Miki生日。

今年情人節,郭永淳突然在巴黎以卡地亞一卡鑽戒向 Miki求婚。

郭永淳在巴黎突然求婚,地點是被網民喻為法國「求婚勝地」 Café de Paris餐廳內。該餐廳消費不高,貫徹他們平民化消費生活。

fb洩婚訊

兩人回港後,只是向密友透露過婚事。不過郭永淳近日在 facebook的甜蜜留言,令他的朋友紛紛向他逼供。據知兩人暫定年尾擺婚宴,但形式未定。其實 Miki一心想低調,但男家因為有頭有面反而想大搞,現在尚未有定案。不過睇個勢, Miki都是會遷就男家。

本刊致電 Miki的經理人黎小姐,對於 Miki結婚,她說:「私人嘢唔方便回應,結婚我就唔知道,等佢自己出來同大家交代,都係開心事。不過, Miki至今冇請假,嚟緊仲有好多工作。」

Miki並沒有因為結婚而放棄工作,去年她去了澳洲拍旅遊特輯。

去年情人節兩人好像老夫老妻一樣,去超市買餸回家慶祝 Miki生日。

郭永淳上周四( 5號)在 facebook公開發表愛的宣言。

豪門唔易入

嫁入豪門一向都是女藝人的希望。不過,要入「門」都唔係易事,大戶人家講求門當戶對,不少女藝人都要經過長時間「觀察」才被接納。

李嘉欣

2006年李嘉欣與許晉亨拍拖,多次傳出婚事,更有指李嘉欣與許老太關係麻麻,拍拖期間她們甚少同場出現,最終李嘉欣在 2008年才可成為許太,三年後誕下仔仔 Jayden。

陳伶俐

1997年與林敏驄公開戀情,翌年懷孕及宣布婚訊,不過兩人在 2008年離婚。雖然她在 2012年改嫁新加坡隱形富豪胡嘉烈後人劉頌銘,但卻非常低調,直至去年誕下兒子,擺百日宴時才被揭發再婚。

黎瑞恩

黎瑞恩九十年代曾迷倒不少年輕歌迷,有指當時男友曾智明父親,即全國政協曾憲梓不滿她在娛圈拋頭露面,故她最終在 1996年息影從事保險工作,直至 2002年她首次舉行演唱會後,獲曾憲梓肯首才可入門。不過,他們兩年前已離婚。

鍾意就快D Share啦!


Related Posts Plugin for WordPress, Blogger...