2015年3月6日 星期五

陳偉霆冇影 阿 Sa華哥緊密接觸 [忽然1周 - 1023] 陳偉霆,MW,




睇吓華哥幾細心,為免手臂嘅貼紙黐到阿 Sa,換過另一邊,又捉實佢隻手, so sweet!

媽咪姐

陳偉霆冇影 阿 Sa華哥緊密接觸

呢期「我有俾你 x㗎!」呢句真係爆紅,睇嚟阿 Sa攞獎呼聲好高喎。日前,《雛妓》舉行首映,媽咪姐都好想睇,去到現場真係人多到爆炸呀!當然英皇仝人都嚟晒,除咗身有屎嘅吳浩康同唔喺香港嘅陳偉霆。

男友唔在場,睇唔到阿 Sa嘅牀戲都好嘅。不過阿 Sa自己就話:「大家都係演員,我睇佢嗰啲都唔尷尬。」果然轉頭就見佢同任達華好好傾,兩個仲捉住手咬晒耳仔㖭!不過陳生可以放心,華哥大阿 Sa近 28年,關係好似父女咁,提攜後輩啫!

華哥同阿 Sa一見面就繑晒手傾唔停,果然拍戲嗰陣有深入交流,感情好到似父女咁。

唔只老闆楊受成同楊太嚟捧場,仲有祖兒、秋生、阿嬌同軒仔一堆自己人,同春茗有得揮呀!

杜汶澤把口成日唔收,但佢係有才華嘅,睇近幾年執導嘅戲,都有話題就知連阿 Sa見到佢都拉住傾幾句!

杜汶澤啱啱又喺 facebook公開讚大台嘅《四個女仔三個 BAR》入面,同李成昌對戲嘅小妹妹「演得很好」。俾前輩咁讚,「小妹妹」何雁詩即 cap圖轉去 Instagram,順便自我介紹吓。

前輩咁俾面,好滾動呀!

鍾意就快D Share啦!
Related Posts Plugin for WordPress, Blogger...