2015年4月17日 星期五

馬德鐘千五萬豪宅宴客醉繽紛 [忽然1周 - 1029] 馬德鐘,MW,



馬德鐘擔心班老友唔識路,親自落樓接人,真係細心到呢。

媽咪姐

馬德鐘千五萬豪宅宴客醉繽紛

呢幾年只簽大台部頭劇嘅馬神馬德鐘,得閒就走轉強國拍劇,閒閒哋收 15萬人仔一集,唔使俾人抽佣,真係好搵到爆!既然搵到剩到,馬神對班朋友都幾好,呢晚佢就請咗《以和為貴》同劇演員,去佢使咗 5百萬裝修、位於小欖嘅 2千呎獨立屋 BBQ,仲話準備咗和牛同香檳酒水,嘩!氣派到呢。







有得食有得玩,醉咗仲有地方瞓。樂易玲帶埋囝囝嚟,張名雅、何君誠同梁烈唯仲諗住不醉無歸,拎支特大裝香檳到場。個個咁重裝備,馬神話:「最緊要大家開心啫!」咁又係,間屋大到咁,多廿人嚟都唔覺逼

咪睇大宅門口咁平凡,實際上呢個屋苑只係得 6戶,每戶有天台同泳池,喺上個月最新成交價要 1,450萬,貴嘢嚟㗎!睇埋屋內裝修,歐洲式設計,咁又使幾百萬。

喺劇中做小三嘅張名雅同何君誠最早到,都係帶咗支酒嚟,睇嚟馬神好鍾意飲酒喎!

拎住咁大支酒,梁烈唯竟然話係擺設,咁講就有人信咩?

啲人差唔多到齊開埋爐,樂易玲一家先出現,真係夾好晒時間呀!

鍾意就快D Share啦!
Related Posts Plugin for WordPress, Blogger...