上年 7月苟姑娘喺巴西做完世界盃主持返嚟，身型依然係肥妹仔，但輪廓好彩冇走樣，當然做女神仲有啲距離啦。
真面目
冇碇企 你肥夠了嗎？ 苟芸慧被貶做茄哩啡
自從苟芸慧中咗「不瘦降」後，唔只冇得做女神，連事業都冇得掹。上年做過世界盃主持後，肥苟已經停哂工，但好在有少少知名度，期間跟住啲一綫小生花旦登台未至於零收入。
將於今年底約滿，依然未修身嘅肥苟，嚟緊 4月將會為新劇《 EU超時任務》開工，不過角色就由以前女二，貶到變茄哩啡。肥苟仲想撈，真係要快啲瘦身先得，唔係有幾多個欣宜㗎咋！
31歲苟芸慧原本為大台上位花旦兼係宅男女神，但 13年因抑鬱兼甲狀腺問題，令體重不斷升，試過 170磅身型。由靚苟變肥苟，除女神被除名，更成為網友取笑對象。
肥苟幕前工作少，但依然揾到飯食，減咗成年肥都仲減緊嘅佢，靠住喺強國搭單掹車邊做商演。據知上年陳展鵬、徐子珊有幾個登台騷，肥苟都有同行，每個都收 3萬人仔算有啖飯食。不過幕前少演出，變相出騷揾銀機會少。自 13年 7月《飛虎 II》後就未拍過劇的她，嚟緊 4月會為新劇《 EU超時任務》開工，以往肥苟雖然未做過女一，但喺劇中都拍住當紅小生如梁烈唯、鄭嘉穎。但今次新劇只是做大閒角，連感情綫都冇。最慘係該劇女一、女二為朱千雪、朱晨麗霸咗，就連女三都被新進姐仔劉佩玥攝入，畀班港姐爬晒華姐肥苟頭！不過難得有監製畀機會，肥苟今次亦染了一頭紅髮，希望佢真係反彈到
張張大頭呃到人
苟芸慧雖然未瘦番，不過五官依然係索，佢亦深明此道，近年所有 fb相都係高抄三七臉，有冇美圖瘦瘦就唔知啦，但只影大頭不見身，呃到 like㗎！
|
鍾意就快D Share啦！
|
|
|
