雖然已經有年多沒有做公開活動，但 Cammi面對鏡頭仍然識自動波擺 pose，多得平日 keep住自拍練習。
真面目
真人示範 孖富二代百萬開鋪 真身 Cammi＂唔執相係咁樣＂
𡃁模始祖周秀娜（ Chrissie）愈撈愈掂，又拍電影又開鋪頭，仲買埋樓添！不過呢行又有幾多個娜姐？
出道近 5年，曾經有過唔少負面新聞嘅 Cammi（謝芷蕙）， 13年搭上國內富二代阿杰，拍拖年多感情穩定，已經有兩年多經營網店經驗的 Cammi，近日冧掂男友夾份開鋪，花 7位人仔在廣州開一千三百呎的自家服裝店。剛踏入 20歲的 Cammi榮升老闆娘，搵個好男友好過搵份好工至於人人好奇佢個樣點進化，今次《 FACE》專訪就零距離同 Cammi驗下個樣先！
11年做𡃁模入行，儲落少少錢後， Cammi已急不及待在網上開店賣衫，一圓做老闆夢。
親眼見少包面
「自己對服裝、時裝、得意嘅嘢都有興趣，所以我就開咗間網店。開頭其實唔使好多成本，咁我有做開登台 job，都好夠我去經營一個網店。一開始入貨只係攞咗 3千蚊啫！」
16歲便在網上做生意，初時小試牛刀，所有工作自己一手包辦。「開頭都係自己親手包貨、剪線頭，全部都係自己親力親為，比做 model花更多嘅時間。」期間 Cammi一直有做 model，雖然部份網友經常講 Cammi疑似整容，但長腿加 P圖令 Cammi的網上商店追隨者不斷增加。「講過好多次，其實我覺得好煩，都講過我係整過雙眼皮，我覺得無咩特別啫！」採訪當日，記者留意到 20歲的 Cammi無論手臂或是大腿仍然有 baby fat，面頰亦有點包包面，而且膚色未似修圖後白滑，「喺廣州生活，可能空氣差，食嘢又油，皮膚都差咗好多。」自拍神器功用果然好大， PS女王不是浪得虛名。
經營網店兩年多，加上 13年與現任富二代男友杰少拍拖， Cammi與男友一人夾一半，裝修連租金用近百萬人民幣，在廣州天河區完成「開一間粉紅色 fashion shop」的夢想。
「因為我男朋友喺廣州，咁我經常都會上去十幾日，佢屋企人做服裝，我男朋友果邊可以多啲嘢幫到我，無咁亂。」
保護神秘富二代
雖然 Cammi不時喺網上大晒同男友杰少嘅恩愛合照，但對於男友嘅底細， Cammi諗兩諗會話：「佢背景呀？可唔可以唔講呀？」 22歲嘅杰少身份神秘，只係知佢啱啱喺外國讀完書返嚟，𠵱家喺屋企人開嘅公司入面幫手。 Cammi咁保護男友，唔知係咪怕俾人搶走呢？
「做咗好多後悔嘅嘢！」
與男友杰少拍拖一年多， Cammi已登堂入室與男友家人住埋，即將投放大部分時間在國內的 Cammi，聲稱與男友家人相處得好好，「佢屋企人知道我係做過呢行，佢屋企人對我好好。」據知杰少家人本打算帶埋 Cammi到巴黎旅行，但杰少因為近日發生不少墜機事件而拒絕坐飛機，結果旅行去唔成！
只得 20歲的 Cammi已視杰少為結婚對象，「有傾過呢個話題，但未係呢個時候。我啱啱先 20、佢 22，咁大家做多幾年嘢先啦，大家都要儲啲錢。係囉，其實我拍拖好認真，即係我同佢一齊，半年之內就會諗將來，諗好多嘢。」
愛情雖然重要，但事業現階段已放第一位，「以前細個嘅時候思想幼稚啲，做咗好多𠵱家都覺得好後悔嘅嘢，所以我都唔係好想提。人係要向前看，唔可以永遠停留喺果個地方，我放底晒喇！」唔開名都知一定有陳冠希份囉！
廣州開 1,300呎鋪
Donut四散
溝有錢仔 Vilian（劉瑋欣）
Vilian雖然喺 Donut入面無乜突圍動作，不過佢好快就生擒身家豐厚，喺旺角至少有四間波鞋鋪，人稱「波鞋王子」嘅彭俊峰（ Billy），但據知二人已經玩完。
|
鍾意就快D Share啦！
|
|
|
