全城熱爆的娛樂八封新聞 & 時事趣聞 & 生活 + 趣聞
Twins再合體將會大搞，阿嬌鍾欣潼狀態回勇，阿 Sa蔡卓妍早前亦憑《雛妓》攞咗澳門國際電影節最佳女主角獎，嚟緊香港電影金像獎又點呢？
英皇娛樂集團上週一（ 23日）舉行 15周年慶典，主席楊受成率領旗下紅星總動員出席，當然唔少得「英皇一姐」容祖兒啦， Joey身穿黑色開胸長裙現身，佢就自嘲其實冇乜身材好騷畀人睇：「要尊重場合，所以要騷個 iPad。」又唔好咁講，我哋欣賞你唱歌都好夠㗎喇！
而今年同樣踏入 15周年嘅 Twins亦再次合體，經理人 Mani講到明會大搞 Twins合體 project嘛，今年 Twins唔單只會出新碟，仲會拍真人騷同埋跨年騷；撞啱阿 Sa呢期套《雛妓》票房咁好，阿 Sa又分分鐘攞埋金像影后，可以話幫 Twins攞咗個頭彩先
容祖兒身穿開胸長裙好性感，但佢就唔多滿意自己身材。
做經理人叻、連做製片人都勁掂， Mani最近就以製作人身份攞埋廣東總局頒嘅嘉許獎！勁呀！
李家仁醫生集郵時間，對象唔係一班明星而係經理人 Mani，仲用自拍神混添，好有 style呀！
