2015年4月8日 星期三

換平車搬新竇 改名司馬賽兒 馬賽搏翻身 [FACE - 411] 馬賽,司馬賽兒,MF,



壓力禿

現時冇工開嘅馬賽,不時進修增值自己,雖然冇晒當日風采,右額更有輕微壓力禿!

封面

換平車搬新竇 改名司馬賽兒 馬賽搏翻身

13年因為一單三角關係緋聞,令 08年港姐季軍馬賽被大台雪藏,雖然有指大台已解凍,並安排拍新劇,但角色發揮有限,更貶做大配角。

已經 27歲的馬賽近日得高人指點搬屋換車轉運,並打算用回原名司馬賽兒重新在娛樂圈發展。週一( 6日)馬賽在新居外接受本刊訪問時直說:「暫時無其他工作喺身……幾難聽嘅說話都聽過,我覺得我𠵱家係好需要做嘢。」用盡各種辦法都係想繼續做演員啫,司馬賽兒呢次係咪可以重生呢?

13年底,馬賽因為與內地女製片人汪子琦,和內地女富商 Laura的三角關係曝光而令純純兔形象幻滅,大台更即時雪藏馬賽,事件擾攘大半年,去年 8月馬賽決定赴英進修,離開傷心地。

近期已經冇乜公開活動見到馬賽蹤影,呢個活動係今年 1月,即係馬賽已經 3個月冇工開。

《蘋果日報》圖片

冇乜機會上鏡,馬賽連妝都唔化就孖住將軍澳街坊朱璇行街,平平淡淡又一日喎!

進修完返香港,馬賽用 18萬幾買咗部二手甲蟲車代步,仲慳埋停車場泊街邊!車主登記顯示,馬賽亦用回原名司馬賽兒!

馬賽老豆之前用近 50萬買咗部寶馬畀愛女代步,不過去年底俾馬賽賣咗套現去英國進修。《蘋果日報》圖片

屋企有錢,馬賽同爸爸馬靈感情要好,𠵱家起居飲食都係靠屋企接濟。圖片

進修完返港,馬賽就搬咗入再近啲公司嘅峻瀅。

08年當選港姐後,馬賽就搬入清水灣半島住。不過去年底選擇去英國進修時已退租。

《蘋果日報》圖片

變番純純兔

去年底馬賽低調返港,接拍許鞍華的新戲《 8步半》,而大台亦安排馬賽參與新劇《東坡家事》,雖然女二不再,但馬賽仍然落力演出。

自馬賽由英國返港,個性已變得有所不同,在溫室長大的她,以往都愛發小姐脾氣,但近月心情難得保持平靜,冇再怨天尤人。週一( 6日)馬賽接受本刊訪問時說:「《東坡家事》啱啱拍完,所以呢幾個月就返大學進修緊一啲幕後嘅課程,讀電影系。同埋學緊佛,𠵱家有返開固定一個佛堂。佛教上面嘅嘢幫到我好多。人開心好多,個人平靜啲。」

上月 27日,馬賽帶埋工人姐姐去中環,行去坐港鐵期間,二人竟然拖住手行!

江若琳執馬賽二攤

馬賽跟製作人汪子琦各行各路後,汪子琦重返正印內地富婆 Laura身邊,去年籌備開處女執導新戲《愛在星空下》,當時想搵馬賽做女一,可惜二人斷交收場,汪子琦最新目標睇中新寵江若琳!

據知新戲仲搵咗惠英紅、內地女星黃奕等人,唔知汪子琦會唔會搵馬賽客串番一、兩幕,收吓宣傳之效呢?

《蘋果日報》圖片

網上圖片

改口叫司馬賽兒

其實換車換樓前,馬賽之前架車都已經放咗塊玉保平安。風水嘅嘢,信則有不信則冇囉!《蘋果日報》圖片

08年得獎後即簽約大台,還有合約在身的馬賽未有打算解約,反而是平靜地等公司安排。「我暫時都係 TVB嘅員工,合約仲有一段時間。工作嘅嘢我都係等公司安排,總之𠵱家暫時都好好。」

5歲已立志要做演員的馬賽,雖然心情已平伏不少,但對於近月無工開,仍是耿耿於懷。據知馬賽去年返港後,即搵高人指點迷津,期間高人提到不同的顏色和方位,促令馬賽立即搵屋兼換車,高人更指,馬賽若用回本名會對事業更有利。

15年重新出發的馬賽,得高人指點後馬上由清水灣半島搬到同區的峻瀅,以及將馬爸爸 10年送贈、約 50萬的全新寶馬房車換成約 18萬的藍色二手甲蟲車,而據知她在浸大進修電影課程時,向學校介紹時,已經改口稱自己為司馬賽兒。

「幾難聽嘅說話都聽過!」

近月零收入的馬賽,雖然背後有屋企人支持,但學佛後的她變得節儉,峻瀅的月租車位約 4千蚊一個月,馬賽寧願冒住被抄牌的危險都要泊街為慳錢,以往去到邊都揸車的馬賽,最近亦較多坐港鐵。

在訪問最後,馬賽很看得開:「各式各樣嘅傳聞、各式各樣嘅言論我都試過喇,我仲可以擔心咁多咩?幾難聽嘅說話都聽過,你睇我𠵱家幾平和!」一副看破紅塵格,希望司馬賽兒翻身成功

6/4 傾足 6分鐘

馬賽外出返歸,面對本刊記者,馬賽都話:「見到你哋雖然好驚,但我唔會嬲!」,然後就坐定定答問題,十足做專訪。

黐公關 CEO食名人飯

重新出擊,馬賽四出搵朋友幫手。週日( 5日)晚就同公關 CEO鄭紹康、前亞視執行董事盛品儒,仲有盛老婆蔡一鳳一齊食晚飯。網上圖片

《東坡家事》暫時係馬賽喺大台嘅最後一部作品。

去年底接咗許鞍華套電影《 8半步》嘅其中一個單元,不過許導慢功出細貨,部戲未知幾時上得!《蘋果日報》圖片

改名轉運

圈中唔少藝人、明星都好信風水呢家嘢,所以出道前改名,或者出道後見星途平平又改名,甚至改來改去都大有人在!

歌手吳雨霏,其實佢叫吳家穎你又知唔知?

早排因為嫲嫲而由李詩韻改番做李施嬅;仲有天后級嘅王菲,都曾經改過名做王靖雯。你又記得幾多個呢?

吳雨霏/吳家穎

唱得之人吳雨霏原名吳家穎, 02年加入 Cookies出道, 05年作獨立發展後即改名吳雨霏,果然事業從此一帆風順,開過兩次紅館個唱,年初更成功嫁做人妻。

李詩韻/李施嬅

大台藝人李詩韻,年初於微博寫到:「 2015決定改名回『李施嬅』,這個名字是我最愛的嫲嫲幫我改的。但家人幫我改為李詩韻。希望大家以後可以叫我李施嬅。」

王菲/王靖雯

樂壇天后王菲早於 89年出道時,唱片公司替她改了名字王靖雯,英文名 Shirley, 95年大紅才用回原名王菲。

舒淇/林立慧

原名林立慧, 18歲時用藝名舒琪於台灣拍攝首本寫真集,被文雋於雜誌上發掘,即約見並邀請她來香港發展,再改名為舒淇。果然, 95年出道至今,舒淇已成為影壇一姐。

俾條生路行吓啦

《蘋果日報》圖片

5歲已經立志要做演員嘅司馬賽兒, 06年已經喺香港浸會大學傳理學院電視電影系畢業,用一年時間準備參選港姐,結果成功攞到季軍入大台,雖然至今唔算拍得多劇,不過出道短短 6年,司馬賽兒曾經都被大台力捧過,更係添哥李添勝愛將!

不過一次意外足以致命, 13年鬧出三角緋聞,司馬賽兒即時摺埋!事到如今,仲有咩路可以令司馬賽兒條金光大道起死回生呢?

《蘋果日報》圖片

孖玲玲唱歌

還記得農夫數年前孖過玲玲姐 rap歌嗎?當時 rap一 rap,三位都當堂彈起晒,加上玲玲姐識風水擺陣,過番兩度散手俾司馬賽兒都好吖!

電視畫片

做打女

市場上其實打得又睇得嘅女星真係唔多,司馬賽兒細細粒,其實都幾啱 feel做打女,佢之前喺《神探哥倫布》就試過起飛腳踢賊,呢吓真係睇到觀眾嘩嘩聲!

網上圖片

跟晶哥搵食

不如試吓搵晶哥傾傾!佢之前都捧紅過袁嘉敏,只要司馬賽兒肯搏肯露,晶哥梗有辦法幫到手嘅!

《蘋果日報》圖片

同法拉爭食

李澤楷揸旗嘅香港電視娛樂啱啱攞到 12年免費電視牌照,咁司馬賽兒大可以同大台傾解約,再埋楷楷嘅港娛堆,話唔定可以搶埋盛傳會幫港娛拍開台劇的法拉個花旦位喎!

鍾意就快D Share啦!
Related Posts Plugin for WordPress, Blogger...