全城熱爆的娛樂八封新聞 & 時事趣聞 & 生活 + 趣聞
之前同朋友開經理人公司嘅大埔 Lulu，自爆有客戶搵佢拍「偉哥」廣告，啋！梗係推
上週五（ 3日）大埔 Lulu董嘉儀、陳慧敏同 As One喺油塘出席活動，咁多後生女最好玩咩？梗係玩波啦，唔好心邪！只係套住 bubble ball嚟踢波啫！之但係呢幾位活潑嘅後生女對 bubble soccer唔係咁熟悉，論論盡盡咁好鬼好笑！
熱愛足球嘅 Lulu，唔知點套入個波，惟有捐入去，跣嚟跣去至入到；陳慧敏就有專人幫忙，可惜專人舉起個波等佢塞個頭入去之際，慧敏哥唔覺意撞到個頭，好彩係塑膠嚟啫。好喇到正式開波，陳慧敏又俾 As One嘅 Elfa一嘢撞開，麒麟撞葉劉一幕重現眼前，陰功陳慧敏仲冇人扶起身，跌低要靠自己爬番起囉！
董嘉儀（ Lulu）冇人幫，成分鐘至爬到入個 bubble ball度。
慧敏哥衝龍門俾 Elfa撞到成個飛開，失重心跌低。
好狼狽至爬番起身，結果撐住玩咗幾分鐘就完場。
呢日亦係陳慧敏 26歲生日， As One等一齊送上蛋糕祝賀。
