2015年4月9日 星期四

謝霆鋒驗屍 舔豬血 霆鋒,謝霆鋒,



謝霆鋒上演一幕「血腥版十二道鋒味」!昨日為新片開工的霆鋒,對「道具心臟」甚感興趣,更大廚上身對沾滿血的手套又聞又舔,果然對「新鮮食材」特別上心。當驚嘆「道具」製作逼真時,怎料導演竟大爆「道具心」實為豬心臟,霆鋒當場賴嘢失手中伏!

導演向霆鋒示意道具心臟是假的,但原來是「假人心,真豬心」。

霆鋒對沾滿豬血的手套又聞又舔。

研究「道具心臟」時,霆鋒拿着豬心係咁聞,看得青雲(左)甚為好奇。

青雲捧着豬心靠近,嚇親范曉萱。

兩大影帝謝霆鋒與劉青雲擔正新片《驚天破》正在上海拍攝,昨日逾百傳媒採訪。片中飾演警探的霆鋒與飾演犯罪心理學教授的劉青雲,在酒店發現屍體,霆鋒更從死屍身上拿出血淋淋的道具心臟,整對手套沾滿鮮血,他更當場「試味」,變身廚神即場獻上「血腥版12道鋒味」。

大廚上身望聞問切

身為新一代「煮家男」的霆鋒,昨日又有「新煮意」,拍畢「驗屍」場口後,他放下道具心臟,又不停「索」手套,更伸脷舔手套上的鮮血,令人O嘴!熱衷研究烹飪及創作新菜式的霆鋒,對食材「望聞問切」,即使可能有細菌亦冇有怕,簡直搵命博,問他為何「品嘗」道具心時,他解釋:「導演同我講係道具,但係我拍戲時揸落去覺得好有質感又腍腍哋,就忍唔住聞吓,真係好腥,好想知係真定假!」但今次謝大廚都「老貓燒鬚」,被導演跣了一鑊,他續說:「冇真係舔落去,扮嘢啫!點知我問導演,佢話係豬心,仲死撐係假,都唔係『人心』!」

另外,霆鋒與青雲昨曰在電影發布會上表示在上海開工已三星期,內地戲份已完成一半,稍後會到泰國及香港繼續拍攝。青雲指他倆在戲中沒有太多動作戲,反而是鬥智較多,並指故事中二人植入由同一個人移植的器官而得到捐贈者的記憶,展開連場鬥智。

提到同片的雨僑及譚俊彥表示開工期間曾品嘗其親手炮製的咖喱牛蒡丸,霆鋒笑說:「咁你都知?」他透露閒時會下廚:「自己個飲食節目都想搞新菜式。(邀請青雲做嘉賓?)我會要求佢畀檔期我!」而青雲雖然未能親嘗牛蒡丸,但揚言有機會一定要試霆鋒的手勢,更笑說:「我只係識少少(下廚),就算做嘉賓,都唔係下廚啦,我負責食!」

收工返王菲「落腳地」

至於感情事一向備受關注的霆鋒,席間對感情問題十問九唔答!問到緋聞女友王菲盛傳懷孕,有備而來的他說:「我唔睇報道喎,唔答!」記者再問其前妻張栢芝疑因耍大牌被飛出新片《3D封神榜》,但未問完,他已笑笑口地說:「你係咪想死吖?咁遠水路嚟畀人鬧!」而其助手即解圍:「不如講番套戲。」霆鋒再說:「你畀佢問啦,佢問我都係答:『唔答!』」再問到會否關心栢芝狀況,他貫徹以「唔答」回應。而有內地媒體拍到他前日收工後趕到位於上海的高級公寓,據知這是王菲到上海時長駐之地,可見王菲對忙碌的他體貼又關心。

導演向霆鋒示意道具心臟是假的,但原來是「假人心,真豬心」。

霆鋒對沾滿豬血的手套又聞又舔。

研究「道具心臟」時,霆鋒拿着豬心係咁聞,看得青雲(左)甚為好奇。

青雲捧着豬心靠近,嚇親范曉萱。

鍾意就快D Share啦!
Related Posts Plugin for WordPress, Blogger...