Alice B.被「鬼」纏 喊住嗌報警
模特兒Alice B.早前與巴西男模打得火熱，二人拍拖三個月，Alice已揚言希望為對方生10個小孩。可惜這種甜蜜一瞬即逝，兩人拍拖未足百日已「閃分」。原來Alice男友不時「潛水」唔見人，Alice因缺乏安全感而提出分手，但自稱是「鬼」的男友卻死纏爛打跟蹤她，令Alice覺得安全受威脅。既生氣又恐慌的Alice陷入情緒崩潰，找來好友哭訴，更不排除報警處理事件。
「第四代Canon甜心」、24歲的Alice B.早前撻着一名巴西男模，二人愛得癡纏，Alice更揚言想為男友生10個小孩，可惜這段情來得快也走得快，兩人拍拖三個月就分手，不過Alice卻被男方跟蹤，令Alice不勝其煩。
日前Alice與一名女性友人現身上環一間餐廳，二人見面即來個深深擁抱，並叫了兩支啤酒。只見Alice全程愁眉深鎖，顯得悶悶不樂。喝了一點酒後，她即滔滔不絕地向友人訴苦。
準備結識新歡
傾偈時Alice相當激動，又向友人展示電話訊息，期間一大粒眼淚從眼角流出。友人即時為她抹眼淚、輕摸她的頭，又再與她擁抱，Alice才勉強露出笑容。及後Alice再繼續訴心聲，期間不時手指指，又突然掟電話到枱上，嚇得友人也窒一窒，並輕輕拍其手臂安撫。Alice全程說不停，看來有很多事要傾訴，二人傾談了個多小時才離開。
事後本報致電Alice，問她為何情緒崩潰？Alice才把事情和盤托出，坦言自己與拍拖三個月的巴西籍男友已分手。問到分手原因，她嗚咽說：「因為佢喺廣州做嘢，但係成日突然之間唔見咗人，我覺得好冇安全感，所以向佢提出分手。」Alice說自己已準備好投入新戀情，亦有與不同男生約會，但其巴西籍男友仍對她死纏爛打，更悄悄跟蹤她。她說：「我哋分咗手之後，佢仲成日搵我，仲喺短訊度講出我一日嘅行蹤。佢話見到我同第二個男仔約會，又仲自稱係『Ghost』（鬼），因為佢神出鬼沒。佢真係令我覺得好嬲又好驚。」
被跟蹤有前科
Alice慨嘆常結識到奇怪的伴侶，早於五年前，當時其德國籍男友亦於分手後跟蹤她，她說：「佢曾經跟我返屋企，好彩嗰時我有新男友在場，先至冇事。不過，我依家喺香港冇人冇物，怕自己安全受到威脅，真係好驚，所以就搵朋友傾呢件事，萬一有咩事都有個照應。（會唔會報警？）我會考慮。」
文：名人組
|
鍾意就快D Share啦！
|
|
|
