全城熱爆的娛樂八封新聞 & 時事趣聞 & 生活 + 趣聞
喺街邊等車,謝婷婷同女性友人有傾有講,心情靚靚喎!睇真啲件衫先蠱惑呀!
去年與戴尚安( Sean)分手後嘅謝婷婷,一直未有着落,早排拍完吳家麗監製嗰套《有客到》之後又無晒聲氣。
同安志杰、 Sean分手後,婷婷都好 dry,又未有新戲開,惟有同姊妹行街 shopping。《蘋果日報》圖片
上週四( 2日)全知言喺中環街頭撞到婷婷,當日佢一身黑色打扮,又戴埋黑超,不過細心一睇,黑衫側邊原來有個大窿,好 sexy㗎!婷婷同個姊妹有傾有講,心情似乎唔錯,不過見到全知言之後,婷婷就刻意迴避鏡頭,可能當日素顏上陣所以有啲避忌啦,不過已經好過好多女明星囉!