生父長居內地，孤身撐起成頭家的吳若希，上週六（ 4日）上台表演時忍唔住失控狂喊！
真面目
家家有本 失業幾年 3千蚊都要借 吳若希窮爸爸大起底
吳若希母親上週六（ 28日）踩單車發生意外，在深切治療部急救並靠儀器呼吸，本週一母親終於醒番。
母親病情有進展，要開工又要照顧細佬，吳若希仍樂觀面對，但近日情緒開始轉差，日前表演時發台瘟甩嘴，更失控在台上崩潰痛哭。家事被越揭越多，連從未曝光的吳父亦被揭曾破產。本刊發現吳父現時長居福州，長期失業，連 2千幾蚊社保都冇錢交要問人借錢；近期終於搵到新工，不過都係做貨倉管理員幫手睇貨！比起吳若希住豪宅揸靚車，吳父的赤貧生活真係另一個世界喎！
出道 5年的吳若希，去年獲大台力捧，憑洗腦歌〈越難越愛〉唱到入晒屋，又開始拍劇同《街頭魔法王》等綜藝節目，幾乎打開電視都見到吳若希！
靠微博溝通
終於上到位，偏偏吳母謝芬芳上週六(28日)炒單車撞傷頭部，現時仍在沙田威爾斯醫院深切治療部，亦已經度過危險期。
要身兼母職照顧細佬又要錄音出騷開工，只有 22歲的吳若希開始撐唔住，瀕臨崩潰。而連日來只見吳母的現任男友到醫院探病，卻從未見吳若希生父現身。原來吳爸爸全名吳光新，十幾年前與前妻離婚後，一直定居鄉下福建福州馬尾區，間中才來港與吳若希及細仔吳梓楓見面。今次前妻出事，吳父沒有探望，只透過微信聯絡女兒詢問情況，及在微博遙距祝福。
鄉下貨倉看貨
現年 53歲的吳光新，未離婚前經營酒店，家住 2千呎大屋，可惜後來生意唔掂，又迷上賭錢，最後破產收場，前妻更因此帶埋一對仔女搬到香港重新生活。
經歷過生意失敗，吳光新一度生活潦倒，長期失業，連 2千幾蚊社保都冇錢交，要四圍借錢找數，好在最近搵到新工，在貨倉負責看貨，總算有工開。雖然長期與仔女分開，不過吳光新與吳若希感情要好，吳爸非常留意女兒一舉一動，除了在微博留言，亦會私下微信。 11年曾與吳若希入大球場睇波， 12年來港時亦是住在女兒屋企，而吳若希今年過年特登返福州探爸爸，兩父女關係密切。對於爸爸生活狀況，吳若希週一（ 6日）強調冇問題，「佢都生活好好！?家冇破產，有做生意！」唔通吳爸爸只向囡囡報喜不報憂，所以若希 BB唔知爸爸要周圍借錢？
吳爸潮玩微博
吳若希與父親分隔兩地甚少見面，只能靠微博得知對方消息。雖然吳爸長期不在女兒身邊，但從文字中已感受到佢真係當吳若希係 BB咁錫！
父女差得遠
吳爸在鄉下生活艱苦，反而吳若希愈住愈豪，由當年 400呎公屋到現時以 4萬月租何文田君頤峰；而且頻頻換車，揸厭 80萬 Range Rover，又轉口味換 40萬 Benz A250代步。
|
鍾意就快D Share啦！
|
|
|
