2015年5月6日 星期三

又食又賺 開食女網站搵銀 蘭桂坊洋腸:我睇小港男 [FACE - 415] 蘭桂坊洋腸,MF,



hellodavidbond.com截圖

真面目

又食又賺 開食女網站搵銀 蘭桂坊洋腸:我睇小港男

「蘭桂坊洋腸事件」主角 David去年被狂插,今年 Comeback又有新片流出,中港日韓囡囡都集埋郵,好鬼識食!

除咗溝女有一手, David仲將同各國女仔親密片擺上自己的收費網站,每月收$15美金作會員月費,借女搵錢難免俾人批評。

本刊最近獨家訪問 David,佢將亞洲女性自行排名,話韓妹最正,其次係日本、中國(包括香港),最尾係泰國。雖然港女唔係 no.1,不過 David唔認同高登仔鬧佢當港女係玩具,但就直認睇唔起港男!

又食又拎賺到盡,港男梗係冇你咁賤







來自內地嘅長髮女跟咗 David上房,不過似乎滿懷心事,坐埋一邊自己隊啤。

蘭桂坊洋腸 David去年憑溝女片《 Guy Steals Girl》成為港男公敵,被狂插後消聲匿跡一段時間,最近又開始活躍,仲有新片添!

畀 15美金入會

David自稱只食過 4個港女,淨係記得去年 T小姐個名,但已遺失其微信冇聯絡。

網上圖片

近日 David先後公開了一條 19分鐘蘭桂坊溝女片及 26分鐘賓館開房片,兩段片的女主角分別係港女同國內人,雖然片中冇裸露性愛鏡頭,淨係攬攬錫錫,不過已經吸引唔少人睇。

明知呢類短片有市場, David索性當一門生意,開設網站賣片,入面有齊佢同港日韓女仔的親密片,亦有去年《 Guy Steals Girl》無遮樣完整版。當然,係要收費每月要俾$15美金做會費,先可以登入睇片, David話現時有 11個收費會員,即係每月穩袋$1,200港幣會費!

「日本妹最易追」

本刊同 David做訪問,發現 David對自己食勻亞洲各地女性相當自豪,亦唔介意其他人叫佢「 evil guy」。

F:《 FACE》 D: David

F:你最鍾意邊個國家嘅女仔?

D:韓國女仔性格最差,不過排名(身材樣貌)都係最高,其次係日本、中國、泰國。

F:中國、台灣定香港嘅女仔最好?

D:佢哋對我嚟講都係一樣!

F:港、日定韓國嘅女仔最易追?

D:日本。

F:高登仔話你歧視亞洲女性?

D:我冇睇低亞洲女性,我只係睇唔起亞洲男仔,特別係港男!佢哋太怕醜,成日令女仔感覺唔好,又帶俾女性太多羞恥!

利用女仔拍片放上網搵錢,唔知邊個先係令人羞恥呢?

韓妹最正

David食勻亞洲,為各國女性整 list插國旗識別,仲為亞洲女性評分,佢話韓妹一定最正,中國人包括港女,只係稍勝泰妹咋!

向港男挑機

David成為港男公敵並唔介意,仲應本刊要求自拍短片同高登仔打招呼,話希望下次嚟香港可以一齊去蘭桂坊夜蒲喎!

David講到明亞洲男仔勁廢,睇佢哋唔起!

David開咗網站 hellodavidbond.com擺片,想睇足本就要每月畀$15美金會費,高登仔入會後下載再俾朋友免費 share。

港星唔怕鬼

梁詠琪

11年嫁給西班牙人 Sergio,近日更誕下女兒 Sofia,一家三口定居香港。

莫文蔚

11年與德國籍初戀男友 Johannes結婚,並於意大利酒莊舉行婚禮。

官恩娜

今年 2月與細自己 3年的中法混血獸醫男友 Juan-Domingo Maurellet結婚,現時懷孕 3個月。

粱永鏗:唔喺香港拉唁到

據梁永鏗律師指出, David將多名女性的親密片段放上網賺錢,有可能犯了私隱條例,「如果女士嘅樣貌或者身份在片中被曝露,而且片段係用作商業用途,或嚴重影響資料擁有人的精神狀況,係可以作出控告;但最關鍵係佢將影片放在咩網?點樣收費?如果唔係香港操控網站,就好難拘捕!不過一經定罪,最高可判入獄 5年。」

鍾意就快D Share啦!
Related Posts Plugin for WordPress, Blogger...