樹仁狂舞派 貼錢練舞 黎琛怡[FACE - 415 - 大專校園] 黎琛怡,MF,

黎琛怡（ Natalie）

就讀新聞系，畢業後 Natalie希望拍攝《鏗鏘集》一類專題式的節目，「可以深入認識了解受訪者。」

U花 U草

樹仁狂舞派　貼錢練舞

上到大學玩 danso，成班同學排舞排通頂，夠晒熱血，不過跳到要貼錢又成兩、三個月冇返屋企食飯，又唔係個個願意。

今年 Natalie瞓身為 danso，時間、心機、金錢樣樣出盡，「玩 danso係要好多錢，惟有靠上年做兼職 sales積蓄頂住先！」

讀緊樹仁大學新傳系 Yr.2嘅黎琛怡（ Natalie），有 12級中國舞底子，讀樹仁第一年便入 danso，對 hip hop一竅不通，不過一玩就愛上 danso嘅 team spirit，即使每場演出要倒貼千幾蚊都冇所謂，今年仲索性上埋莊負責同各大學代表開會，就係咁， Natalie忙到幾個月冇返屋企食飯兼通頂都無怨言！

「其實 Yr.1同其他 dancers一齊經歷唔同嘅騷，付出時間心機去練好每一隻舞，自己真係好享受，晚晚三、四點先返屋企，第朝九點又出去返學，比家人鬧當屋企係酒店，但 danso實在多莊務要搞，加上樹仁唔太支持 danso，學校個鏡房又超細，通常排舞都要畀錢 book喺鑽石山嘅排舞室，練完返屋企（薄扶林）好夜，我哋成日都摷晒自己屋企啲衫出嚟左配右搭整服裝，一場騷至少 10幾個 dancers，淨係服裝都要花好多心機！」

曾就讀聖士提反書院的 Natalie不算好動，沒有參與學校的任何校隊，「係上咗大學先愛上 danso嘅文化。」

雖然 Natalie身高只得 158cm，但跳舞仍然好有力量，更是隊中的主力成員。

鍾意就快D Share啦！

下一篇 》