全城熱爆的娛樂八封新聞 & 時事趣聞 & 生活 + 趣聞
Jade睇完醫生，就同老公一齊去揀絲帶，佢話嚟緊有好多朋友生日，所以要買啲絲帶準備吓。
35歲關心妍（ Jade）結婚差唔多 6年，專注歌唱事業嘅佢一直都話生仔嘅事順其自然，不過同梁詠琪份屬好友嘅 Jade，點都會俾 GiGi嘅幸福感染到嘅！
上週二（ 28日）全知言喺中環見到 Jade，當日佢戴住口罩，而且鬆衫平底鞋，仲有老公楊長智拖實行樓梯，唔通真係有咗？「嗰日我睇完醫生，楊生嚟接我，佢之前出咗 trip，個幾星期無見咪同佢拍吓拖囉！」 Jade叫大家唔好緊張，佢會努力㗎喇！
當日楊長智落樓梯時，真係拖到 Jade實一實，好難怪全知言以為 Jade有喜㗎嘛！
Jade話個幾星期冇見老公，所以當日就算係一段路仔都要拍吓拖。
Jade揀絲帶，楊長智就喺旁邊耐心等候，真係好老公。
Jade同楊長智雖然已經結咗婚 6年，不過仲經常擺合照上網晒恩愛。
