全城熱爆的娛樂八封新聞 & 時事趣聞 & 生活 + 趣聞
飲水咩？王敏奕又跟埋飲一份，有冇咁夾先？
去年撻著嘅曾國祥和王敏奕（ Venus），起初大家都唔睇好，但係二人多次被影到恩愛拍拖，似乎曾國祥真係無吹水：「我而家好定性喇！」
上週二（ 28日）全知言喺荃灣撞到佢兩個喺街邊拍拖嘆漢堡包，期間二人雖然唔多嘢講，不過就幾有默契，曾國祥玩電話時，王敏奕又玩、曾國祥飲水咩？王敏奕又飲，佢哋仲夠膽死同一時間放低隻杯！之前有報導話王敏奕收服曾國祥，唔通王敏奕嘅絕招就係你做乜，我做乜？
曾國祥食飽飽玩電話，女友王敏奕又玩電話。
去年中被《 FACE》拍到當街錫錫，如今過咗熱戀期果然收斂晒。
王敏奕同曾國祥拍拖後都減少咗幕前演出，性感更加買少見少。
曾國祥話老豆曾志偉都對王敏奕讚不絕口，梗係啦，至少令曾國祥食少咗煙仔先
