大肚徐若瑄臥床唔偷懶 4個月搽18罐妊娠
40歲嘅台灣女神徐若瑄(Vivian)𠵱家懷孕4
個月，由於係頭一胎兼高齡產婦，事事當然要小心，佢懷孕3個月開始，由於急性腸胃炎已經開始入院，之後就一直卧床養胎，幾乎頭都冇得洗，Vivian呢胎真係陀得幾辛苦!
不過一向係工作狂嘅佢，日日瞓喺張床都唔係無所事事，除咗煲劇，閒來po自己嘅孕婦餐上fb，仲喺臥床期間寫歌寫書，不過最重要，都係做足保養!見Vivian雖然冇得成日洗頭，個頭亂七八糟，但都要搵個夾夾住影靚靚，昨日佢又拎住個拉提美容儀影相，原來佢由懷孕到𠵱家4個月，已經搽咗18盒妊娠霜!佢話:「早安！女人保養不能省，V哥可沒因為臥床就偷懶，臉部乳液後提拉按摩、面膜天天敷～天天全身擦妊娠霜，回頭算算4個多月已經擦掉18罐！」
4個月18盒，即係一個月就4盒有多，一星期就搽晒一盒，真係誇咗少少喎，有網民就提提佢，其實妊娠霜唔多唔少都有化學成份，咁樣搽法會唔會對BB唔好呢?
|
鍾意就快D Share啦！
|
|
|
