掃呢頁CODE去手機

2015年5月6日 星期三

三大嫩口女神 施制服誘惑 秀智BB校服look索爆 秀智,BKD_S,miss A,



【韓流】三大嫩口女神 施制服誘惑 秀智BB校服look索爆

2015-05-06 08:00:00



三大女團miss A嘅秀智、f(x)嘅Sulli同埋Girl's Day嘅惠利都係1994年出生,佢哋三個亦都係首爾公演藝術高等學校嘅畢業生,而大約喺2010年至2012年,佢哋都喺同一間學校上學,亦都自然着住同一款校服。

近日網上就流出佢哋嘅校服LOOK,當中三人都着住泥黃色嘅校服,三人都束起長長嘅頭髮,樣貌不分上下,各有各清純,唔少網民都話難以去比較三人邊個着得更加靚,總之就各有各可愛同埋美麗,不過始終「國民初戀」秀智BB較勝一籌,唔少粉絲最後都係投佢一票喎。

另外,因為掛住拍拖已差唔多全面停工嘅Sulli,最近佢嘅隊友就拍咗個雪糕廣告,當段廣告片公開後,網民就發現唔見咗Sulli,即時惹嚟熱烈討論,覺得f(x)所屬嘅SM仍然對佢進行雪藏,而廣告商方面就解釋:「Sulli確實冇參加今次嘅拍攝工作,當時佢唔喺簽約範圍內,喺簽約時因為有佢嘅緋聞,所以同SM商討後,決定只係安排其他四名成員拍攝廣告。」

至於SM方面就解釋話:「Sulli之所以冇參加f(x)嘅雪糕廣告拍攝係因為拍攝時佢正處於官方活動嘅休息期,並非有其他理由。」不過唔少網民都大表不滿,仲擔心Sulli會被迫退出f(x),亦有唔少粉絲希望見到5人一齊活動嘅f(x)。

另外,秀智BB趁噚日韓國兒童節,就為福利院兒童捐贈毛公仔,秀智BB噚日喺Instagram中話:「喺兒童節之際想把家裏嘅可愛公仔送畀福利院嘅孩子們,一部份係粉絲們送嘅禮物,雖然好抱歉,但係把佢哋送到更需要嘅地方會更有意義,還請大家理解,謝謝。」



Sulli(左)和秀智



秀智BB



Sulli



惠利(左)同秀智



Sulli(左)和秀智



獨欠Sulli嘅f(x)



秀智BB捐出屋企公仔畀小朋友

鍾意就快D Share啦!