全城熱爆的娛樂八封新聞 & 時事趣聞 & 生活 + 趣聞
經過首飾鋪，可能全女班關係，林敏驄忍唔住出口，一於騷擾吓班女職員先！
即將上映嘅電影《全力扣殺》，相信大家都睇過其中一條由林敏驄同梁漢文嘅精華短片，向來都搞笑兼九唔搭八嘅林敏驄，原來都有認真一面。
前週六（ 25日）林敏驄單拖行商場，初時見佢急急腳衝入電器鋪買電鬚刨，或者係男職員服侍佢嘅關係，林敏驄都冇乜點講嘢。點知佢買完之後就馬上轉移陣地，去咗一間充滿女職員嘅首飾店搞搞震，搞到班姐姐仔笑晒口，全知言覺得，雖然林敏驄無幫襯，已經帶咗好多歡樂俾班職員架喇！
成個過程職員無喺飾櫃攞過一件貨出嚟俾林敏驄睇，相反係職員睇緊林敏驄棟篤笑至真。
一向都不修篇幅嘅林敏驄，突然急急腳去電器鋪買電鬚刨，幾時變得咁貪靚㗎？
