掃呢頁CODE去手機

2015年5月6日 星期三

UStar校草 Alfred拍內地配對真人騷 [FACE - 415 - 大專校園] UStar,MF,



怕醜花樣男 Alfred喺節目入面,為心儀對象二丹準備早餐,咁 sweet,未食都飽

U Spy

UStar校草 Alfred拍內地配對真人騷

想入娛樂圈? FACE UStar又有成功例子喇! 12年 UStar校草冠軍鍾名山( Alfred)上年九月接獲貴州衞視邀請去韓國南海拍攝愛情配對真人騷節目《浪漫滿屋》,可以同中港台總共六索女五型男拍攝節目,第一集 4月 26日出咗街

26歲讀緊公開大學市場學 final year嘅 Alfred係怕醜花樣男,好得女仔歡迎,拍攝 5日,全程 24小時有鏡頭及收音記錄佢同其他型男索女嘅相處,難怪 Alfred都大呻要好小心:「最難忘有次我同台灣男仔喺房傾吓求愛策略同講吓是非,事前我哋已經熄晒自己上身嘅咪,點知傾傾吓有個工作人員入嚟喺檯底拎咗個咪出嚟換電,嗰刻我哋呆晒,唔敢再喺屋內講秘密!」而仲係單身嘅 Alfred同 Spy講佢鍾意節目中一位嚟自內地女生,「長頭髮眼大大,同佢 date過兩次,發現佢唔造作,夠爽直,唔會嗲聲嗲氣!係我杯茶!」雖然最後 Alfred喺節目入面配對唔成功,節目會喺內地、台灣及韓國播, Alfred隨時發到圍㗎!

本身係兼職模特兒嘅 Alfred唔係第一次上內地媒體,今次再次上電視又有手機 app宣傳, Alfred巧威威喎!

配對失敗

Alfred喺節目原定想與一位叫二丹嘅內地女生做配對,但途中被另一名內地參加者(右)同佢表白,所以 Alfred配對失敗,他說:「有女生向我表白好開心,不過佢唔係我女神。」

鍾意就快D Share啦!