2015年6月3日 星期三

同薛凱琪開餐 莊家彬新女叫傅明憲阿姨 莊家彬,傅明憲,薛凱琪,





其他影片:>>






有傳因為有小三,令莊家彬今年3月結束同傅明憲嘅9年情, 原來小三並唔係咩女音樂人,而係來自內地、做經理人嘅程新惠(Grace)。

5月22日夜晚7點左右,莊家彬同Grace去紅磡「逸‧酒店」包場開餐,同場仲有女方好友薜凱琪(Fiona)。當日莊家彬打扮非常之後生,波鞋運動衫,成個中學生咁,同傅明憲一齊時嘅「老積」Look好唔同。

Grace嘅朋友爆料,話佢係特登叫莊家彬著Young啲,仲叫傅明憲做「阿姨」,明寸男友前度年紀大。幾位食飯時,Grace當正自己喺老闆娘,對員工指指點點,仲話可以隨時叫餐廳收晏啲,睇佢細細粒,原來咁霸氣。

大概1點幾,飲飽食醉嘅佢哋準備鬆人,莊家彬同Grace好似主人家咁,堅持送Fiona番屋企先,而細佬莊家豐就同音樂才女女友林天愛,好恩愛咁攬住走。

6月1日,《壹》仔喺陽明山莊追問莊家彬係咪有新女友,佢就話唔係,我哋再追到去灣仔會景閣,但莊家彬只肯答同傅明憲冇聯絡,對於新女一事絕口不提。

男友封口,咁Grace個老友Fiona又點呢?佢都係封晒口咁話要保護兩位朋友,所以咩都唔講,連佢哋點識都唔知。被問到Grace同莊家彬襯唔襯,Fiona就笑笑口話:「我都唔係做睇相學嘅!」
鍾意就快D Share啦!
Related Posts Plugin for WordPress, Blogger...