網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年10月21日 星期三

唱得起 首拍 hit爆 最索鬼妹 YouTuber撈過界唱衞蘭 [FACE - 439] 衞蘭,MF,



週日( 18日) Shangrila接受訪問,無論擺 pose還是對答, Shangrila都表現自如,食正呢行飯

真面目

唱得起 首拍 hit爆 最索鬼妹 YouTuber撈過界唱衞蘭

近年 YouTuber盛行,阿豬阿狗都話要拍片做主角,有啲冇人 like仲要爆負皮俾人笑到面黃。

好在上月尾處女出位、來自瑞士的混血索女 Shangrila,一個月未夠齋 talk廣東話短片點擊已有 17萬幾。週日( 18日) Shangrila由瑞士來港三星期,踩落旺角體驗港人生活,更拍片唱埋廣東歌。 Shangrila仲話大學畢業後想嚟香港發展,係咪真先?

廣東話出名難學,但 21歲、來自瑞士的巴西 X西班牙混血索女 Shangrila一於向高難度挑戰,上月 20日在 YouTube發布第一條以全廣東話發聲短片,馬上吸引過十萬點擊。

上月 20日第一次用廣東話發布短片,一個月未夠已有 17萬幾點擊率,呢位新晉 YouTuber不容忽視喎!  YouTube畫面

除被野生捕獲, Shangrila亦獲蕭定一旗下的「謎米」邀請,將於電影《十月初五的月光》中獻聲,如時間許可,會安排在首映露面添! 網上圖片

希望來港生活

Shangrila上週來港度假,週日( 18日)即踩落旺角,體驗港人生活,廣東話流利到可以買衫講價、買魚蛋,甚至珍珠奶茶。而年紀小小的她已學懂 5種語言,包括西班牙文、法文、葡萄牙文、英文和日文,現正努力學廣東話。「我好鍾意香港,已經來過香港 5次旅遊,由於瑞士地方太大,感覺好孤獨,來到香港雖然地方小,但四周都有人,而且晚上都能找到食店,加上有很多可愛、新潮的玩意,而且香港人很友善,好希望畢業後能來香港生活。」

還有一年便大學經濟系畢業的 Shangrila,打算每一至兩星期便 upload一條短片,最新短片將於 11月返瑞士後 upload,內容會用 6種語言介紹自己。週日( 18日) Shangrila接受訪問時,即場用廣東話唱了兩句偶像衞蘭的〈你的女人〉,雖然咬字未算清楚,但誠意絕對可嘉!

MK受歡迎

Shangrila週日在旺角行街,期間被多位市民捕獲,當然男士要求合照居多

期間被 4位妹妹仔捕獲,影完相仲不斷叫 Shangrila加油,又提議 Shangrila拍咩片,真心粉絲嚟喎!

100%天然

成為 YouTuber未夠一個月,但週日( 18日) Shangrila在旺角出沒,短短 2小時已被不少 MK人捕獲,期間對她眼望望的更多不勝數。「來了香港一個星期,到那裡都有市民認出我,我當然感到高興,因為短片 upload只有很少時間,但彷彿香港已有很多人認識我,令我感到很驚訝。」

對於有網民指她曾整過容, Shangrila表示:「我是 100%全天然,亦沒有打算整容。但我不反對別人整容,只要對方覺得開心就可以。」網民咪亂噏好喎!

篤魚蛋

Shangrila喺旺角買咖喱魚蛋,全程用廣東話同店主對答,好叻叻豬呀!

已來港一星期, Shangrila四圍去行街、食嘢,仲好叻叻咁坐港鐵添!

Shangrila在旺角行經表行,即被老闆行出來邀請影硬照,老闆話啲表同佢都係 made in瑞士喎!

老外愛唱廣東話

雖然廣東話出名難學,不過老外向來鍾意挑機,喺 YouTube上要搵老外唱廣東歌都大有人在!以下就有癲、好聽,同埋標準腔嘅代表。

靚女老外唱〈喜歡你〉

Beyond嘅歌從來都係翻唱首位,今次呢位靚女老外其實唱得幾好聽,可惜咬字始終唔清楚,或者唱緊乜都未必知道,所以感情分要減啲。

黑人華仔唱〈浮誇〉

呢位黑人華仔係之前翻唱劉華嘅歌而為人認識,或者佢愈唱愈 high,今次唱〈浮誇〉時,佢真係誇到攞煎 pan打頭!好在無爆缸咋! 網上圖片

陳明恩唱〈來夜方長〉

陳明恩喺香港長大,廣東話基本上無問題,而且有唱歌底子,之前同蘇永康合唱〈來夜方長〉,唱得唔差過原唱陳潔儀㗎! 網上圖片

採訪、撰文:蘇詠詩

攝影:鄭明川

鍾意就快D Share啦!


Related Posts Plugin for WordPress, Blogger...