阿伯好惡 禿頭尊尼黑到爆 [FACE - 439 - 外地娛樂]MF,

現年 52歲的尊尼特普，於新戲《極黑勢力》中扮演黑幫龍頭大佬占姆鮑格（小圖），為扮得神似，尊尼每次入廠前都花起碼 3小時化禿頭妝，雖然個樣變咗阿伯，但揸起槍依然好型。

西區

阿伯好惡　禿頭尊尼黑到爆

嘩！呢位阿伯係邊位？相信好多人都同我一樣反應。

不過，睇真啲其實係型足超過二十年的怪雞型男尊尼特普

（ Johnny Depp），今次佢又有乜搞作呀？

之唔係新戲《極黑勢力》（ Black Mass）嘅新造型。今次 52歲尊尼為演活全球十大通輯犯之一的占姆鮑格，竟捨棄型男造型化身禿頭阿伯扮黑社會大佬，形象及演技大突破，睇怕下年奧斯卡影帝提名肯定冇走雞！

點解尊尼會接拍《極黑勢力》？

一向以怪誕型男見稱的尊尼特普，近年反樸歸真，純以演技示人，今次《極黑勢力》是以真人真事改編，戲中尊尼要扮演一名黑幫頭目，兼且是全球十大通輯犯之一的占姆鮑格，屬真正窮凶極惡大壞蛋。據知當尊尼收到劇本已覺得故事好吸引，加上他飾演的角色好寫實而且好有發揮空間，於是好快答應參與演出。

占姆鮑格真人　網上圖片

導演 Scott Cooper（右）曾執導《聲聲相識》，令 Jeff Bridges獲封奧斯卡影帝，今次拍住尊尼，未知可否點石成金。　網上圖片

尊尼點樣投入演繹禿頭黑幫大佬？

片中尊尼演繹的占姆鮑格是一名又老又禿頭的黑幫大佬，唔少人第一次看劇照都認唔出係尊尼本人。禿頭形象咁突出，原來尊尼事前已試過 5、 6款造型，但最後定案起用跟占姆一樣的禿頭阿伯形象。因要扮禿頭阿伯，所以每次入廠時都要花起碼 3小時化妝，比一般角色花多兩倍時間；而尊尼為演活占姆鮑格凶殘性格，他自爆每日起身後即對住塊鏡提醒自己是一隻魔鬼來麻醉自己，令自己演得更投入。

真人真事改編的《極黑勢力》，背景為 70年代的波士頓，講述尊尼飾演的黑幫大佬占姆鮑格，被 FBI收為線人，一同對抗意大利黑幫，警察與黑社會合作，占姆可趁機剷除敵對幫派，成為波士頓最大黑幫。

戲中除尊尼外，飾演他細佬，多次暗中幫助他逃離險境的班尼狄甘巴貝治（左）亦是好戲之人。

聽講尊尼好擔心　愛女 Lily-Rose太早入行喎？

尊尼與愛女 Lily-Rose感情要好，經常糖黐豆，所以對愛女入行甚為緊張。網上圖片

尊尼與舊女友 Vanessa Paradis所生的 16歲愛女 Lily-Rose Depp，遺傳着父母的演藝細胞，今年除出道做模特兒外，更參演電影《 Yoga Hosers》，雖然愛女大把前途，但身為老豆的尊尼就表現擔心：「講真，我真係好擔心，我完全冇諗過佢咁細個就拍戲、做模特兒，但呢個係佢嘅興趣，我會尊重佢。」　網上圖片

《極黑勢力》

上映日期： 10月 29日

撰文：何家文

鍾意就快D Share啦！

下一篇 》