掃呢頁CODE去手機

2015年10月27日 星期二

黃浩Suki嘆潮菜家庭樂 新屋豪擲千萬裝修 Suki,黃浩,徐淑敏,





其他影片:>>






黃浩(Kenny)同老婆徐淑敏(Suki)噚晚帶家人去上環尚興嘆潮州菜,原來噚日係Kenny胞姐Jenny牛一,全家出動family day。佢哋噚晚大約食咗兩粒鐘就由兩個保鑣開路下步出餐廳,Kenny抱住一歲多幼女Isabella殿後,全家上下分坐三部車離開。

Suki同Kenny呢排忙搞新居嘅嘢,佢哋上年6月用咗2,800萬買入大埔比華利山獨立屋,全屋面積約4000呎,為咗全家人住得舒服,全屋重新裝修,單係裝修費都豪花1000萬,預計12月就可以入伙。

入行前曾修讀設計嘅Suki都有幫手設計新居,佢今日接受《蘋果》電話訪問時話:「裝修好多時會出現意見分歧,所以我哋將屋企劃分咗唔同區域,各自負責,老公(黃浩)鍾意煮嘢食,佢設計廚房同花園,我就客廳、囡囡房同主人房。」單睇新居設計,好有酒店feel,Suki承認:「我同老公都鍾意住世界各地唔同酒店。」至於三個囡囡房卻有四張上下格床,意味住會再生嗎?Suki話:「『吉』床放住雜物先,如果老公唔喺屋企咪我過去瞓囉。」

若然追仔成功,咁就要安排間房畀孻仔,Suki尷尬話:「顏色可以隨時改啫。」有指新居裝修費過千萬,Suki話:「實際幾錢我唔知,不過裝修嘅嘢,成日會加多啲。」新居屋契有加埋Suki名嗎?Suki迴避話:「唔好講呢啲。」

Kenny都期待搬入新居,佢今日接受電話訪問時話:「Suki想幾個囡囡間房整得再靚啲,所以又有啲改動,畀佢揸主意改囉!間屋搞咗成年,我都好心急,我希望一家人可以住舒舒服服,所以唔怕等。」

(攝影:吳耀輝、黃曉程) 黃浩抱住細女行出店外 Suki一支箭標住行
上車先 安頓細女 同記者打招呼
黃浩新屋裝修女兒房有上下格床 仲有花園
鍾意就快D Share啦!