掃呢頁CODE去手機

2015年10月27日 星期二

【濠江風雲】脹爆里安被嗌錯畢彼特 與迪尼路22年後再合作 畢彼特,





其他影片:>>






粒粒巨星閃爆澳門,小賭王何猷龍斥資約250億港元建設澳門新濠影滙,今日舉行世紀開幕禮,仲請咗金像大導演馬田史高西斯(Martin Scorsese)拍宣傳微電影《選角風雲》,由荷李活三大巨星畢彼特、羅拔迪尼路和里安納度狄卡比奧演出,不過,主角之一嘅畢彼特疑因忙於拍新戲未能出席(新聞連結:http://bit.ly/1MfJyQW)!

馬田史高西斯、羅拔迪尼路及里安納度等巨星,今日約下午1點出席《選角風雲》記者會,由陳貝兒擔任司儀,逾二百傳媒到場,先播出新片宣傳片,眾星陸續出場,先是羅拔迪尼路及里安納度打頭陣,還有James Packer,馬田史高西斯則壓軸。

羅拔迪尼路同里安納度再度合作,相信二人應該幾有默契,話晒早喺22年前,即係1993年,佢哋曾合作拍電影《This Boy's Life》,當時里安納度演羅拔迪尼路嘅繼子。相隔多年,里安身形都變了又變,瘦過肥過,羅拔迪尼路魅力依然。不過見到台上身穿西裝、扣上鈕子嘅里安,坐低嗰陣不時面有難色,似乎粒鈕勒住佢條腰,令佢唔多舒服。其實近年身形脹爆的里安,近月體重開始回落,重現型男風範,不過似乎仍需努力。

何猷龍亦在台上與眾嘉賓chit chat,司儀陳貝兒問何猷龍點解拍《選角風雲》,又問羅拔迪尼路感覺如何,佢就話好開心見到成件事慢慢成真,又謂好開心同兩人合作,特別提到曾與里安拍《This Boy's Life》,故好開心可一齊再拍戲。里安自言現實中有試過好似《選角風雲》中咁同人爭角色,但對手唔係羅拔迪尼路,更笑指羅拔同馬田就好似佢爸爸咁樣。羅拔就話拍呢部片之前未到過澳門,故來之做了好多資料搜集。最搞笑係《選角風雲》監製Brett Ratner想同里安講嘢時,嗌錯對方係畢彼特。

記招開始前先播出微電影《選角風雲》(故事簡介: http://bit.ly/1N3RB8r )。寒暄過後,眾星為醒獅點睛,然後四男各手持「選角風雲」四個書法大字,各自加上一筆,於醒獅前合照。不過里安蘸墨時好似重手咗啲,令「選」字好似漏墨咁。記者會約半小時完成。

另外,今晚將舉行新濠影滙開幕禮,表演嘉賓仲有三位巨星歌手,包括美國巨肺天后瑪麗嘉兒、韓國人氣女子組合SISTAR及郭富城,認真星光熠熠!

(攝影:陳順禎、仇志德、卓振輝、馬建華、張俊銘、丁焯敏)
羅拔迪尼路同里安納度22年前,曾合作拍電影《This Boy\\'s Life》 1993年電影 《This Boy\\'s Life》劇照。
鍾意就快D Share啦!