掃呢頁CODE去手機

2015年11月5日 星期四

和尚前傳 恨做藝人 釋智慧投考邵氏失敗 [壹週刊 - 1339] 釋智慧,M1,



十月底,釋智慧到無錫開會,丁珮早已在當地機場候機室等候。

娛樂偵訊

和尚前傳 恨做藝人 釋智慧投考邵氏失敗

現年 83歲,被捲入釋智定假結婚以及收受每月五千元供養費醜聞的寶蓮寺住持釋智慧,以一堆佛偈「唔知自己是真是假」將事件淡化。據了解,身兼佛教聯會會長,俗名潘智遠的釋智慧五歲來港,試過投考邵氏演員訓練班,但因外形所限,未被收錄;其後落髮皈依佛門,平步青雲,比做藝人更有名有利。

考過警察

跟「假尼姑」釋智定扯上關係的釋智慧,週日(十一月一日)開開心心出席特區政府在禮賓府舉行的授勳儀式,領取銀紫荊勳章。出生於南海西樵山,三歲喪父,家貧三餐不繼,五歲隨母親及胞姐來港投靠舅父(寶蓮寺第二任住持笩可)的釋智慧,也沒有想過做和尚做到咁架勢。

「佢十幾歲就出嚟搵嘢做,當時生活好艱難,最初去考警察唔合格,之後再去考邵氏訓練班又冇被取錄,其實釋智慧自細就最想做演員,但外形唔得,訓練班唔收佢,兜兜轉轉,三十歲決定出家做和尚。」知情者說。

一行三人,傾了個多小時,丁珮全程表現恭敬。

96年,只有 64歲、尚未需要戴眼鏡的釋智慧,在公眾場合表情多多,確是有幾分演戲細胞。

丁珮念佛多年,但不減做藝人時扮靚興趣。

丁珮撐場

做唔成演員,但跟出身邵氏的虔誠佛教徒,李小龍緋聞女友丁珮素有來往,過往寶蓮寺搞活動,丁珮都會現身撐場。

「有次寶蓮寺搞慈善活動,請咗丁珮去誦普品門經,全場音響系統突然故障,啲咪同喇叭失靈,因為活動喺寶蓮寺出面個廣場舉行,唔用咪無辦法聽到丁珮把聲,惟有臨時取消佢誦經嗰部分。」其中一名工作人員說。

即使被捲入釋智定事件,但被邀到無錫出席第四屆全國佛教交流會的釋智慧並冇避席,還相約了認識多年,已年屆六十七歲的丁珮在機場見面。面對釋智慧,丁珮表現恭敬虔誠,早在候機室等候的她,遠遠見到釋智慧,已立即走到門口迎接,之後傾了個多小時。

「丁珮計劃搞李小龍舞台劇,不過投資商覺得風險好高,但佢仲係好堅持,所以傾咗好多間製作司都冇結果,佢話唔會放棄,繼續搵有緣人合作。」知情者說。

有指釋智定得釋智慧支持,一直扶搖直上,成為定慧寺住持。

曾經做召集人為定慧寺籌款的翁靜晶,早前親自計劃踢爆釋智定假婚、私吞捐款等罪行。

釋智慧去年出售灣仔三個物業,套現二千多萬,名副其實富貴和尚。

丁珮跟李小龍有一段情,四十多年後的今天,她仍會把對方的生平事掛口邊。

身兼佛教聯會會長的釋智慧,經常帶領僧侶參與大型法會。

懶理是非,早前到禮賓府接受特首頒發的銀紫荊勳章,釋智慧在台上表現輕鬆。

奇女子

73年,一代巨星李小龍被發現死在女星丁珮屋企,被千夫所指,壓力爆煲的她自此退隱娛樂圈, 76年嫁娛樂公司老闆向華強,四年後離婚,開始茹素念佛成虔誠佛教徒。已經 67歲的丁珮,原來也會打李小龍自創的截拳道,有時出席朋友聚會,她會在人前露兩手,並承認功夫是當年李小龍親自教。

撰文、攝影、攝錄:娛樂組

鍾意就快D Share啦!