掃呢頁CODE去手機

2015年11月5日 星期四

施明街市晒狗相 [壹週刊 - 1339] M1,



同你吟一吟

施明街市晒狗相

信不信由你!有傳資深電視藝人施明可以睇到一般人睇唔到嘅嘢,當年係有線電視第一代《怪談》節目主持嘅佢,因為青光眼,一隻做咗手術後,最近另一隻亦開始有問題,已經好少喺幕前出現。

不過,都係周身唔得閒!要買餸煮兩餐,仲要照顧屋企啲狗狗;同傅明憲一樣,施明特別鍾情北京狗,仲話啲狗係兩個仔(李泳漢、李泳豪)嘅細佬。早個禮拜,《壹》仔見施明出動寵物車,帶咗其中一個「仔」去街市,喺地下菜檔買完菜,擺低寶貝「仔」俾同行女子睇住,自己一個搭扶手電梯上二樓再買其他嘢。

臨上樓前,施明好唔捨得咁同個「仔」玩多陣,聽見街坊讚自己隻狗得意聽話,即刻開心到晒埋手機入面啲相俾人睇。

又係嘅,施明應該聽人讚佢啲狗,多過讚兩個仔囉!

街坊讚坐住車車嘅狗狗乖,施明開心到即刻晒相俾人睇。

揀喺菜檔打散張五百蚊,包保找返嚟嘅錢唔會黐血黐生肉,醒目!

撰文:八珍

鍾意就快D Share啦!