全城熱爆的娛樂八封新聞 & 時事趣聞 & 生活 + 趣聞
見到《壹》仔，大方笑晒任影。
行山腳有青霞紅姑發哥外，原來仲有關之琳男友陳泰銘嘅劉嘉玲，上個禮拜三（十月二十八日）冇行山去咗行街，而是日陪 shopping嘅，冇驚喜，只係密友鄧霓儀。
聖誕有排未到，但嘉玲已經好似聖誕老人咁，大包細包，由 Hermes、 Dupont、 Baccarat買到 Valentino，站站都買到嘢。喺 Valentino半個鐘，試咗三件褸上身，絕對係名店 sales最受歡迎 VIP嘅嘉玲冇托手踭，拍板買咗其中一件。有鄧霓儀客串做助手拎嘢，嘉玲由 Landmark買到去太子大廈，前後騰咗兩粒幾鐘，終於夠皮收手！
試咗三件長褸，三件衫都有毛毛，其中一件夾色嘅，嘉玲似乎相當滿意，著住左擰右擰照鏡。
密友鄧霓儀陪買兼做阿四，最大嗰袋，照攞！
由 Landmark買到去太子大廈，鍾意水晶嘅嘉玲係 Baccarat長期大客。
等司機到，鄧霓儀企出外面扯煙。
撰文：八珍
