上週四，姚子羚陪實男友鄭子邦飛去新加坡捧城城及千嬅演唱會場。
探熱針
男友捧城城千嬅場 姚子羚陪飛
34歲姚子羚（ Elaine）去年逼婚不遂，與拍拖四年的夜場老闆 Patrick分手收場後，三兩下手勢便成功從 JM文詠珊手中撬走揸過億物業、有「的士邦」之稱的鄭子邦，經常到男友紅山半島豪宅過夜的她，最近被同居好姊妹龔嘉欣踢爆快將搬走。
上星期四（十月二十九日），姚子羚孖住鄭子邦拍拖飛新加坡，同行仲有男友「老死」丁子高，二人感情一日千里，姚子羚隨時比胡杏兒快一步嫁。
全線開綠燈
逼婚不遂變分手！去年與拍拖四年的有米男友斬纜後，姚子羚立即收拾心情，主動向一直對自己有好感的的士行太子爺鄭子邦出擊，話咁快就將對方私有化。
「阿邦其實同姚子羚識咗好多年，但唔太熟，身邊朋友都知佢對 Elaine（姚子羚）有好感，有次龔嘉欣 post咗張同 Elaine嘅合照，阿邦仲公開留言話『 I like her』，當時 Elaina都有啲冧㗎！同 Patrick分手後，佢就成日去阿邦間齋鋪幫襯，又主動幫手去派慈善飯盒，開晒綠燈咁，兩個好快就搞掂咗！」知情人士透露。
打入朋友圈
要 mark實男友，融入對方朋友圈是重要一環。性格本來偏靜的姚子羚，為迎合喜歡運動的鄭子邦，不時陪跑陪玩陪應酬，又孖住做義工，男方亦經常帶着女友出席朋友聚會，確認姚子羚正印地位。
上週四（十月二十九日），二人孖住現身機場，準備出發到新加坡展開四日三夜之旅，順道撐同鄭子邦分屬好友的郭富城、楊千嬅演唱會。上午十一時，戴黑超遮樣的姚子羚一身黑白輕便打扮，與男友 join埋丁子高後就 check in入閘。
「 Elaine以前唔鍾意去應酬，連公司高層生日 party都好少去，但同咗阿邦一齊後變咗好多，好似今次專登陪男友飛去新加坡睇 show咁，阿邦同丁子高兩公婆、郭富城排舞師 Sunny Wong，仲有經理人小美都熟，城城開演唱會，小美仲主動請埋 Elaine一齊去。」知情人士說。
前後腳出閘
星期日（十一月一日），四日三夜睇 show之旅結束，返到香港，姚子羚刻意和男友前後腳分開閘口出，鄭子邦留低攞行李，先行一步的姚子羚行去停車場，沿途不停講住電話，之後逕自上了男友的坐駕離去。
二十分鐘後，拖住行李的鄭子邦孖住丁子高出閘，再黐埋車返紅山半島寓所。
對於戀情，承認了解中的姚子羚雖然以「義工朋友」來形容二人關係，但識得投其所好，融入對方生活圈，應該十拿九穩。
的士行太子
30出頭的鄭子邦，人稱「的士邦」，家住紅山半島豪宅，手持過億物業，家族是擁有過百部的士、專營買賣的士和做按揭的「幸運車行」老闆。早年父母相繼離世，廿幾歲的鄭子邦便全面接管父親的生意。
鍾意玩的鄭子邦與圈中不少藝人熟絡，尤其丁子高，二人合資於銅鑼灣開齋鋪「東后齋」，又共同擁有馬匹「野孩子」；還與郭富城的排舞師 Sunny Wong合資開「皇鳳港式燒烤」，瓣數甚多，是不少圈中姐仔心目中的筍盤之一。
緋聞男友
一心嫁個有錢人的姚子羚，入行 13年，緋聞唔算多，除了拍拖多年的有米男友 Patrick，其他大多是過眼雲煙。
撰文、攝影、攝錄：娛樂組
|
鍾意就快D Share啦！
|
|
|
