2015年11月5日 星期四

【獨家】唔係英國行禮 胡杏兒下月祠堂拜堂成親 杏兒,胡杏兒,



童話式婚禮變客家式婚禮,咁大變化!就嚟36歲嘅胡杏兒為咗未來老公Philip Lee(李樹華)真係乜都肯制!話晒杏兒同男友拍拖冇耐,已認定對方係結婚對象,去到談婚論嫁嘅階段,亦落力mark實筍盤男友Phil,每次講起男友都流露出甜絲絲嘅樣!

杏兒喺大台做咗16年,早前離巢去內地發展,更以高價簽咗畀蕭定一發展佢嘅演藝事業,愛情事業兩得意,更屢出婚訊,早前有報導爆杏兒喺今年12月28號喺英國行禮,搞200萬元童話式婚禮!NO!NO!NO!

《蘋果》收到消息原來胡杏兒嘅婚禮,唔係喺英國舉行,而係喺香港大搞,所以杏兒同Phil嘅好友都唔使煩要度期飛去英國咁遠,出席佢哋嘅婚禮喇!由於杏兒工作好忙,婚禮就由Phil全權負責,Phil日前出席何猷君手機app搞嘅酒會,見佢個樣有啲殘,又爆瘡,未知係唔係搞婚禮,壓力好大!

點解杏兒突然間由英國變咗香港出嫁,極有可能係因為男友Phil嘅出身背景,據知,喺英國長大嘅Phil原來係沙頭角禾坑村村民,禾坑村裡面住咗好多姓李嘅客家人,盛傳因為Phil係屋企長子,必須喺拜祠堂,亦因為Phil係傳統客家男孫,婚事亦要入鄉隨俗,入門前一對新人要喺沙頭角新村李氏宗祠入面拜祠堂同祭祖,求祖先庇祐祈求早日開枝散業。

估計杏兒為男友都會跟足傳統去做,難怪杏兒講明想一次過生3個,原來早已為李家添丁作好準備!相信屆時嘅場面就好似周潤發同鄭裕玲套《我愛扭紋柴》沙頭角圍村類似嘅儀式,好似舞龍舞獅、燒炮仗咁,真係諗起都覺得墟冚,之不過,同之前講話搞個童話式婚禮,真係好大出入囉!唔知杏兒收唔收貨呢?

(資料圖片) 唔知Phil媽咪係唔係「野蠻奶奶」呢!(《我的野蠻奶奶》劇照) Phil日前出席何猷君手機app搞嘅酒會,佢一臉倦容,未知係唔係搞婚禮,壓力好大!
鍾意就快D Share啦!
Related Posts Plugin for WordPress, Blogger...