掃呢頁CODE去手機

2015年11月5日 星期四

【獨家有相】爆父女戀 李國章不避嫌往dbc接女伴返家 李國章,





其他影片:>>






昨日有傳媒爆出最近是非多多嘅東亞銀行副主席兼香港大學校務委員會成員、70歲嘅李國章爆出「父女戀」,與在dbc數碼電台任職市場推廣部主管的一名女子相戀,報道指該女子名叫Monique Ho,年約40歲。

李國章的外籍太太Diana Chester在2013年逝世,經過兩年後,他似乎已放下傷痛,和Monique擦出愛火。昨晚7點10分左右,記者發現李國章仍然不避嫌,駕車直駛入dbc位於灣仔告士打道3號嘅大廈停車場,唔夠2分鐘,佢已經接咗女伴上車,女伴穿上黑色喱士上衣,明顯十分避忌一直耷低頭,而佢嘅髮型同體型與報道中嘅Monique極為相似,疑是同一人。

李國章揸車接女伴明顯十分緊張,連車頭燈都冇開,就直駛上中環半山雅賓利道1號寓所,未入門口寓所管理員已打開門迎接李國章,之後兩人就一直未有步出雅賓利道1號。

李國章今日接女伴(箭咀示)離開dbc,近日他與dbc員工Monique Ho(右圖)爆出父女戀,該女伴的髮型及體型與Monique極為相似。 被指於dbc數碼電台任職市場推廣部主管的Monique Ho傳出與李國章發展父女戀。 今晚7點左右,李國章揸車接女伴返家。 (攝影,採訪:黃曉程)
李國章車頭燈都冇打直駛返家,明顯十分緊張。 一支箭咁標入雅賓利道1號寓所 爆出父女戀新聞後,Monique Ho fb只剷剩頭像圖片
鍾意就快D Share啦!