掃呢頁CODE去手機

2016年1月7日 星期四

非一般的闊太 梁慧恩 [壹週刊 - 1348] __,梁慧恩,M1,

老公係香港「工廈大王」外孫,老爺(箭嘴)亦係名醫,讀緊博士學位嘅梁慧恩更加唔係省油燈。同你吟一吟非一般的闊太 梁慧恩撇開超人、四叔、賭王呢類係人都知嘅富豪唔計,香港其實有唔少隱形有錢佬,禾稈冚珍珠,講都未必識。好似Roadshow前主持梁慧恩個老公林忠澤,係李澤楷表弟林忠豪堂弟,外公更加係身家過百億、有「工廈大王」之稱嘅楊耀松。早排《壹》仔喺中環見到梁慧恩同老公、老爺林孝傑(著名婦產科醫生),仲有 ...


老公係香港「工廈大王」外孫,老爺(箭嘴)亦係名醫,讀緊博士學位嘅梁慧恩更加唔係省油燈。

同你吟一吟

非一般的闊太 梁慧恩

撇開超人、四叔、賭王呢類係人都知嘅富豪唔計,香港其實有唔少隱形有錢佬,禾稈冚珍珠,講都未必識。

好似 Roadshow前主持梁慧恩個老公林忠澤,係李澤楷表弟林忠豪堂弟,外公更加係身家過百億、有「工廈大王」之稱嘅楊耀松。

早排《壹》仔喺中環見到梁慧恩同老公、老爺林孝傑(著名婦產科醫生),仲有俾外傭抱住、額頭黐住塊退熱貼嘅囡囡,三代一齊,戙响馬路邊等司機車。

梁慧恩本身家境亦 OK之餘,仲袋住幾張沙紙,理大物理治療系畢業後,再喺中大攞埋個理學碩士學位;嫁咗生埋都繼續讀書,係博士研究生嘅佢,專攻保護環境同海洋生態。

嫁咗個有錢人,但梁慧恩比起其他有錢太,真係非一般!

梁慧恩 12年同拍拖一年幾嘅林忠澤結婚,婚宴喺君悅酒店舉行。

囡囡唔舒服,梁慧恩摸住個女係咁氹。

林忠澤從外傭手接過囡囡,又抱又錫。

撰文:八珍


鍾意就快D Share啦!