掃呢頁CODE去手機

2016年1月7日 星期四

結婚兩周年 鄭伊健蒙嘉慧北海道重溫 [壹週刊 - 1348] __,伊健,蒙嘉慧,鄭伊健,M1,

下月結婚兩周年,早前伊健同蒙嘉慧出發去北海道滑雪慶祝兼過白色聖誕。娛樂偵訊結婚兩周年 鄭伊健蒙嘉慧北海道重溫蒙嘉慧同鄭伊健結婚兩年,堅持不育主義,冇包袱冇牽掛,兩公婆定時定候外遊放電。聖誕前夕,二人現身機場,啟程飛福岡、札幌,展開六日五夜滑雪之旅,過白色聖誕兼提前慶祝結婚周年。情侶裝出動出發當日,兩公婆全身黑色情侶裝示人,婚後工作量大減的蒙嘉慧,八月拍完港台劇《火速救兵3》後一直休息,明顯圓潤不似 ...


下月結婚兩周年,早前伊健同蒙嘉慧出發去北海道滑雪慶祝兼過白色聖誕。

娛樂偵訊

結婚兩周年 鄭伊健蒙嘉慧北海道重溫

蒙嘉慧同鄭伊健結婚兩年,堅持不育主義,冇包袱冇牽掛,兩公婆定時定候外遊放電。聖誕前夕,二人現身機場,啟程飛福岡、札幌,展開六日五夜滑雪之旅,過白色聖誕兼提前慶祝結婚周年。

情侶裝出動

出發當日,兩公婆全身黑色情侶裝示人,婚後工作量大減的蒙嘉慧,八月拍完港台劇《火速救兵 3》後一直休息,明顯圓潤不似過往骨杉杉。同老公鄭伊健一人一喼,排隊 check in,見到記者笑晒打招呼。

到埗後,心情興奮的蒙嘉慧急不及待晒滑雪相上網,其中一張坐吊車上雪山相,她留言話:「不怕死的我又來了!」網友回應:「滑雪要小心!」蒙嘉慧即覆:「某人叫我頭盔也不用戴!」

第二日,蒙嘉慧又將自己著住一身鮮紅色滑雪裝,坐在雪地上的相放上微博:「中段休息中……」

伊健撞到老友傾唔停, YoYo就落手拎行李埋櫃位 check in。

冇見一排, YoYo明顯發福,見到記者仲笑晒兼舉 V,未出發,先興奮。

提早慶祝

出名大細路的鄭伊健,北海道滑雪幾乎是每年冬季的指定活動。過去半年,忙住做《友情歲月演唱會》內地巡唱,終於有空檔放假,可以撇甩一班「古惑佬」,同老婆二人世界。

「呢三個月伊健做咗十場《友情歲月》巡唱,幾乎日日都要排舞練歌,見班古惑佬多過見老婆。下個月係結婚兩周年紀念,上年佢哋去咗北海道滑雪慶祝,但今年伊健要開工,到時未必就到時間出埠,所以趁有幾日假,陪下老婆兼提早慶祝!返香港後第二日,伊健就要飛去南京,做倒數活動。」鄭伊健身邊人說。

六日五夜白雪之旅, YoYo連日開心 share滑雪相。

鍾情日本的伊健,去年同老婆遊京都慶祝 48歲生日。

做咗鄭太後, YoYo開始減產,平日行超市買餸過師奶生活。

去年伊健拍住一班「古惑佬」,密密走埠巡唱。

撰文、攝影、攝錄:娛樂組


鍾意就快D Share啦!