2016年1月21日 星期四

台獨風波惹禍  TWICE周子瑜 台灣第一美 [壹週刊 - 1350] __,子瑜,周子瑜,M1,

外太空台獨風波惹禍 TWICE周子瑜 台灣第一美台灣大選時期,經常令兩岸關係變得緊張,不過今年估唔到喺投票之前,手握關鍵嘅女人,唔係蔡英文,而係韓國女團TWICE嘅台灣成員周子瑜。早前佢喺節目中拎到青天白日滿地紅旗,被內地藝人指佢鼓吹台獨,就喺台灣大選前一日,唱片公司上載佢道歉嘅片段。如果唔係呢件事,上年先出道嘅TWICE,知名度會急升得咁快。呢隊九人女子組合被譽為近年最有潛力跑出嘅女團,唔知今次 ...


外太空

台獨風波惹禍  TWICE周子瑜 台灣第一美

台灣大選時期,經常令兩岸關係變得緊張,不過今年估唔到喺投票之前,手握關鍵嘅女人,唔係蔡英文,而係韓國女團 TWICE嘅台灣成員周子瑜。早前佢喺節目中拎到青天白日滿地紅旗,被內地藝人指佢鼓吹台獨,就喺台灣大選前一日,唱片公司上載佢道歉嘅片段。

如果唔係呢件事,上年先出道嘅 TWICE,知名度會急升得咁快。呢隊九人女子組合被譽為近年最有潛力跑出嘅女團,唔知今次可唔可以化危為機?

百大美女榜排 13

TWICE於 2015年 10月出道,到而家為止只係三個月,已經面對外交層面嘅危機,實在多災多難。 TWICE喺誕生始於 2015年 3月,韓國 JYP娛樂宣布同電視台合作開拍選秀節目《 SIXTEEN》,以汰弱留強嘅方法喺練習生之中選出成員,組成最強女團出道。最後選出九名成員,分別係五個韓國成員娜璉、定延、志效、多賢、彩瑛,三個日本成員 Momo、 Sana、 Mina,以及唯一來自台灣嘅周子瑜。當時只係剛滿 16歲嘅子瑜,喺節目中有出色表現,雖然經驗同實力尚淺,不過深受網民歡迎,多次喺網上投票奪得第一名,於是作為追加成員加入 TWICE。 TWICE正式於 10月出道,推出迷你專輯《 The Story Begins》,主打歌《 Like OOH-AHH》打入幾個金曲榜,最高更加去到第二位,以出道歌嚟講算係非常彪炳。喺 12月美國電影網站「 TC Candler」公布全球百大美女榜,名不見經傳嘅子瑜登上第 13位,係唯一入選嘅台灣人,令組合一鳴驚人,估唔到同時亦招來橫禍。

2015年嘅百大美人榜,子瑜喺韓國藝人中排名第二高,力壓少女時代嘅泰妍及李敏鎬女友秀智等等。

韓國女團 TWICE成員周子瑜,被迫於鏡頭前道歉,我見猶憐,網民喺網上發起支持活動,下星期喺台灣仲有遊行。

眾矢之的就係呢支台灣國旗,其實係節目工作人員為咗辨識佢哋出生地嘅道具,日本成員都有掛日本國旗。

台灣土生土長富家女

子瑜係土生土長嘅台灣人,原籍台南,媽媽係醫學美容診所老闆,雖然自小喺富裕環境中長大,不過佢並無嬌生慣養,反而從小喜歡跳舞,四年前被 JYP星探發掘,於是去韓國做練習生,終於捱出頭點知遇上麻煩。

子瑜上年年尾喺綜藝節目《 My Little Television》入面,因為拎住台灣國旗,又講台語,令內地網民不滿。事件喺網上發酵,內地藝人黃安留言要求佢重申政治立場,搞到本來傾好晒嘅內地商演同春晚全部取消,再加上爆出陸續有廣告商停止起用佢以畫清界線,令事件愈鬧愈大。就喺台灣大選投票前一晚, JYP上載子瑜公開致歉影片,片中嘅子瑜著黑衫素顏,拎住講稿嚟讀,承認「中國只有一個,海峽兩岸是一體」。以為道個歉就可以平息事件?台灣網民覺得子瑜猶如 ISIS人質,大為不值;內地網民又嫌佢眼神呆滯無誠意。而家兩面不是人, JYP要諗諗計,唔好埋沒一隊有才華嘅女團。

喺綜藝節目入面子瑜非常搶鏡,識得表達自己,盡顯調皮一面,估唔到被人冠上莫須有罪名。

JYP社長朴振榮為咗討好廣告商,發聲明道歉,網民一致覺得佢為利益逼子瑜道歉,形象受損之餘,股價仲下跌超過 5%,真係賠了夫人又折兵。

子瑜第一次上選秀節目已經嶄露頭角,當時佢仲未讀完中學,越洋到韓國接受訓練,成功出道。

撰文:關錦雯


鍾意就快D Share啦!
Related Posts Plugin for WordPress, Blogger...