熱爆娛樂: 容祖兒作怪　搞㷫 Twins尾場 [壹週刊

2016年1月7日星期四

容祖兒作怪　搞㷫 Twins尾場 [壹週刊 - 1348] __,祖兒,Twins,容祖兒,M1,

娛樂偵訊

容祖兒作怪　搞㷫 Twins尾場

賣青春活力的 Twins，轉眼入行已經 15年，阿 Sa說：當年入行只得

19歲，現在已經 33歲！比 Twins更感觸的，還有同期成長的容祖兒。

尾場 encore後被邀上台點唱的 Joey，在台上 natural high，攬住阿 Sa阿嬌爆喊，又攞出手機，要 Kenny關智斌幫手拍片 fb直播；滿場飛唱到跪晒地，搞㷫成個場，連阿 Sa都忍唔住多次笑她飲醉。

其實 Joey在觀眾席下已經相當亢奮，企足全晚搖熒光棒跟住唱；上台前，有人遞了杯香檳給她， Joey隨即與隔她十五行的 Yumiko遙距乾杯，香檳一飲而盡， high成咁，酒精作怪！

酒精作怪

比 Twins稍早出道，同期在英皇成長的容祖兒，見證住兩位好姊妹所經歷的一切，感同身受！在台下睇騷已經 high爆，上到台又喊又笑；原來曾被經理人 Mani形容飲少少都醉的祖兒，上台前急隊了一整杯香檳落肚。事後慶功宴上，阿 Sa感動說：「佢（容祖兒）好撐我哋，呢啲咪好姊妹！」

Twins著短裙跳舞打側手翻，是不少人集體回憶，一班十幾歲撐到卅幾歲的觀眾，歡呼叫囂聲勢浩大，現場情緒特別高漲。

祖兒飲了一杯香檳，上台已經 high咗。

搵 Kenny揸機拍片 fb直播。

平日唔多會搞氣氛的容祖兒， high咗上台極富娛樂性，將演唱會氣氛推上高潮。

祖兒又喊又跪，搞到兩位姊妹唔知點好。

Twins打側手翻，觀眾即興奮狂叫，一同集體回憶。

阿嬌唱到趴地露出打底褲。

相隔五年再踏紅館， Twins感觸良多，阿 Sa說：「五年前開騷，無論心情，環境，都唔喺狀態！」阿嬌點頭同意。「但今次，我哋覺得 Twins返嚟嘞！」阿嬌形容自己經歷過高山低谷，阿 Sa亦眼濕濕問觀眾：「如果我哋六十歲仲打側手翻，你哋仲會唔會支持我哋？」

阿 Sa阿嬌趷籮互摸，舞姿誘惑。

有神秘男送了大紮花俾阿 Sa， Mani解畫指該男子是老闆楊受成的美國朋友，專誠返港捧 Twins場！

一度跣手

為了今次演唱會，兩人排舞三百小時，招牌側手翻外，還要被男 dancer抱起直立式三百六十度旋轉，其間負責抱住阿嬌的 dancer疑一度跣手，幸好阿嬌反應快，用雙手撐住對方，否則凌空落地，後果不堪設想。

至於阿 Sa，開騷前喉嚨發炎加感冒，日日食藥並前後打了兩支開聲針，五場騷順利完成，都算有驚無險！