2016年2月29日 星期一

嘉欣愛超勁老公 生夠4個 __,嘉欣,李嘉欣,鍾嘉欣,

嘉欣愛超勁老公生夠4個鍾嘉欣與老公JeremyLeung在溫哥華補擺喜酒,一改事前低調作風大方接受越洋追訪的媒體訪問,嘉欣全程笑到四萬咁口,坦言相識4天便認定Jeremy為終身伴侶,日後會配合為梁家開枝散葉生足4個。談到疑似「懷孕」,她默認:「怕小器!總之適當時候就有公布!」嘉欣挨實老公Jeremy,一臉幸福,鬆身裙褂下肚凸凸!嘉欣與Jeremy補擺喜酒,父母及親友到場送祝福。怕醜的Jeremy錫 ...


鍾嘉欣與老公Jeremy Leung在溫哥華補擺喜酒,一改事前低調作風大方接受越洋追訪的媒體訪問,嘉欣全程笑到四萬咁口,坦言相識4天便認定Jeremy為終身伴侶,日後會配合為梁家開枝散葉生足4個。談到疑似「懷孕」,她默認:「怕小器!總之適當時候就有公布!」

嘉欣挨實老公Jeremy,一臉幸福,鬆身裙褂下肚凸凸!

嘉欣與Jeremy補擺喜酒,父母及親友到場送祝福。

怕醜的Jeremy錫嘉欣只肯錫頸,又不時情深對望。

Jeremy拖實嘉欣離開家門前往會場,嘉欣非常「趕時間」,邊行邊舉起三隻手指約定記者下午3時做訪問。

嘉欣發揮「慳家」本色,用盡花車。

三十一歲鍾嘉欣與四十四歲溫哥華脊醫Jeremy的愛情開花結果,去年註冊結婚後,再於溫哥華時間2月27日晚假西區高級私人會所The Arbutus Club補擺喜宴,誠邀親朋戚友分享喜悅。一身鬆身裙褂打扮、戴上簡約金飾的嘉欣與Jeremy十指緊扣步離家門前往會場,當時嘉欣以「趕時間」為由,約定記者下午3時在會場外做訪問,最終兌現承諾。而比較怕醜的Jeremy不但與老婆及其好姊妹苟芸慧、岑麗香、李亞男及王君馨企定定影大合照外,當記者要求二人親吻時,Jeremy亦兩度吻向老婆粉頸,但隨即轉身走人並說:「OK!Thank You!Bye Bye!」相當搞笑!

唔會退出娛樂圈

談到與Jeremy相識、相戀及結婚經過,嘉欣一臉幸福,且不認同外界指閃婚:「都識咗10個幾月,真係唔快,本來舊年9月諗住結,不過當時我拍緊劇……Jeremy令我相信呢個世界有整定嘅,我識得佢4日已經認定佢係我老公,佢都認定我係老婆。我哋係異地戀,每次去到機場就唔知幾時再見,都辛苦,咁覺得啱點解唔快啲呢?我屋企人同佢屋企人都好想我哋快啲喺埋一齊。」對於被懷疑有孕,她說:「BB嘅嘢唔講嘞!怕小器,唔要太早講,我會適當時候公布。」

嘉欣對老公有讚冇彈,大讚老公「好勁」,更發表愛的宣言:「我真係好愛佢!將來我想生4個,係咪好得人驚呢?係佢提出嘅。(退出?)我好鍾意喺TVB工作,況且仲有合約,仲有好多嘢未完成,又未試過舞台劇。老公好支持我繼續做呢行,會陪我多啲飛香港,佢要關診所,唔係為我關門,係為咗個家,唔可以結咗婚唔見面。」

執屋樂做煮飯婆

問到會否度蜜月?嘉欣說:「冇,我留喺度做太太,煮飯執屋,請假到3月底再睇吓點。」她又表示喜歡一切從簡,正式註冊後本來覺得已經足夠:「係奶奶同老公想補擺喜酒,老公想畀個Dream Wedding我。今次喜宴嘅籌備係我自己做嘅,好多嘢要搞,就連多咗一盞燈價錢都唔同,太多嘢要顧,所以香港嗰邊唔會再有儀式。其實我今朝11點幾先寫完誓詞,寫得差嗰隻。」談到手上婚戒,她冧爆說:「一卡幾,不過係最靚嗰隻,我亦好喜歡呢個款式。(喜宴上老公有表演?玩新郎?)冇可能!」

採:娛樂組、溫哥華特約記者

文:影視組

嘉欣挨實老公Jeremy,一臉幸福,鬆身裙褂下肚凸凸!

嘉欣與Jeremy補擺喜酒,父母及親友到場送祝福。

怕醜的Jeremy錫嘉欣只肯錫頸,又不時情深對望。

Jeremy拖實嘉欣離開家門前往會場,嘉欣非常「趕時間」,邊行邊舉起三隻手指約定記者下午3時做訪問。

嘉欣發揮「慳家」本色,用盡花車。


來源 source: http://the-sun.on.cc
鍾意就快D Share啦!
Related Posts Plugin for WordPress, Blogger...