掃呢頁CODE去手機

2016年3月21日 星期一

胡杏兒蜜月後現幸福肥 努力造人恨生兩個 __,杏兒,胡杏兒,

胡杏兒舊年底同李乘德(Philip)結婚,之後到世界各地度蜜月,玩足兩個半月,終於返港復工,杏兒今日首度現身海港城嘅日本櫻花文化祭活動,喺台上被日籍小男孩錫面,佢好冧好受落。喺台上佢表示仲未習慣被稱作李太,之後會返大陸開工一個禮拜,問佢會唔會掛住老公,佢笑言:「暫時唔掛住喇,對咗兩個半月。」杏兒透露度蜜月之後肥咗唔少,要做運動減肥,佢表示:「從未試過放咁長假,去咗12個城市,北海道、大溪地、新西蘭 ...




其他影片:>>






胡杏兒舊年底同李乘德(Philip)結婚,之後到世界各地度蜜月,玩足兩個半月,終於返港復工,杏兒今日首度現身海港城嘅日本櫻花文化祭活動,喺台上被日籍小男孩錫面,佢好冧好受落。喺台上佢表示仲未習慣被稱作李太,之後會返大陸開工一個禮拜,問佢會唔會掛住老公,佢笑言:「暫時唔掛住喇,對咗兩個半月。」杏兒透露度蜜月之後肥咗唔少,要做運動減肥,佢表示:「從未試過放咁長假,去咗12個城市,北海道、大溪地、新西蘭、巴塞隆拿、愛琴海等。老公話我做嘢辛苦,而且大家年紀唔細,要搵多啲時間相處,我哋拍拖時我成日唔喺香港。」問到此行有冇造人,杏兒甜到爆表示:「呢個問題好尷尬,有冇你哋遲啲都會知。」記者笑佢有所暗示,佢即刻否認,不過坦言二人已經隨時準備做父母,會盡力造人,希望至少生兩個。問到佢會唔會計劃今年生B,佢就話唔知道,會工作同造人兩樣兼備。提到舊愛黃宗澤同日籍女模Jun傳緋聞,佢話:「最緊要佢開心,希望身邊所有朋友都搵到另一半,好似我咁開心,會支持佢。」另外,杏兒老公Philip噚日喺instagram用英文打千字文度蜜月心聲,佢話去咗兩個月玩得開心,感情變得親密,不過亦要為瘋狂購物找數,之後要大家共同生活,仲好期待有新生命。


鍾意就快D Share啦!