《十年》喺金像獎攞「最佳電影」爭議聲不斷，噚晚杜sir杜琪峯就喺新戲《樹大招風》首映，大讚十年《十年》攞獎。講到老闆林建岳批評《十年》嘅可觀性指係「香港電影界的不幸」，杜sir聽到就反問：「好喇，咁試問講呢啲嘢嘅人，佢嘅背景又係乜嘢先？請大家睇睇，佢係咪公道嘅先？即使林建岳係我咁好嘅老闆，我都要講，因為呢個係電影嘅自尊嚟嘅。如果咁樣，即係侮辱我哋啫。我唔去唔代表我唔投票o架。」(相關新聞: http://bit.ly/1RXexag )而林建岳今日就回應杜sir言論：「首先好多謝阿杜讚我係佢嘅好老闆，我都覺得佢係一個好好嘅導演。不過就佢噚晩嘅講法，我覺得﹕打個比喻，好似我投資餐廳，道菜好唔好味，係唔係單只由嗰廚去評價呢? 好似米芝蓮評級啲餐廳幾多星，都係由唔同嘅專業食評家去評啦。據知，最專業嘅香港電影評論學會，在「最佳電影」上選咗《踏血尋梅》，同埋導演會選咗《智取威虎山》。所以，我都唔知阿杜想講乜嘢，可能佢想叫大家去睇最專業嘅《樹大招風》啦。」
來源 source: http://hk.apple.nextmedia.com
|
鍾意就快D Share啦！
|
|
|
