又有兒童慘被夾手！讀者陳小姐於傍晚6時許，途經北角和富中心一間琴行時，發現一名4歲多的男童右手腕慘被夾在玻璃門罅，狀甚痛苦，更一度放聲痛哭，「見到個小朋友就食住啲糖，可能驚佢喊啦」。未幾，大約10名消防員接報趕至，解開門頂上的螺絲，將玻璃門撬開，「又用鋸又用螺絲批整開個較位，大概撬咗15分鐘，就鬆開玻璃門，抆返個小朋友隻手出嚟囉」，獲救後男童放聲大哭，跑回琴行內，他其後由救護車送往東區醫院治理。陳 ...
又有兒童慘被夾手！讀者陳小姐於傍晚6時許，途經北角和富中心一間琴行時，發現一名4歲多的男童右手腕慘被夾在玻璃門罅，狀甚痛苦，更一度放聲痛哭，「見到個小朋友就食住啲糖，可能驚佢喊啦」。未幾，大約10名消防員接報趕至，解開門頂上的螺絲，將玻璃門撬開，「又用鋸又用螺絲批整開個較位，大概撬咗15分鐘，就鬆開玻璃門，抆返個小朋友隻手出嚟囉」，獲救後男童放聲大哭，跑回琴行內，他其後由救護車送往東區醫院治理。陳小姐指，玻璃門的門罅十分狹窄，男童的小手被夾得紅紅腫腫，「佢一痛就會大喊，佢食住支糖就唔喊囉，跟住可能消防撬門嗰陣，有時夾一夾佢，佢又大喊」。陳小姐估計，是男童「貪得意」將手放入門罅，剛巧有人關上玻璃門，便將手腕夾住。陳小姐續稱，當時在場圍觀的市民都嚇得不知所措，無人敢拉動玻璃門，「好驚呀，個小朋友隔一陣就大嗌，驚夾到啲血管或者斷骨，始終夾咗15分鐘」，直言怕事件如去年11月在新都城第三期商場一樣，當日一名7歲女童右手臂被門罅夾至瘀黑(新聞連結：http://bit.ly/25IF829)，陳說「始終小朋友啲手仔好細，工人又睇唔到，佢哋(兒童)好快塞隻手入去，咁啱有人閂門就好易有夾親手」，希望家長能夠警惕，防止同類意外再發生。想睇最新消息？ 即時follow【現場－蘋果突發】fb！http://fb.com/applecitycrime
右手腕被玻璃門夾住的男童，一度放聲痛哭。(讀者陳小姐提供) 
消防員迅速將玻璃門撬鬆，將男童救出送院。(讀者陳小姐提供) 