掃呢頁CODE去手機

2016年4月5日 星期二

【床戲解禁】 福山雅治獻螢幕童貞 床戰G奶女星搶收視 __,福山雅治,福山,

【短片】【床戲解禁】福山雅治獻螢幕童貞床戰G奶女星搶收視2016-04-0507:45:00HKT現年47歲嘅福山雅治已告別黃老五行列,佢上年閃娶女星吹石一惠後,人氣似乎正持續下滑,日本娛樂網站爆料指,從未拍過床戲嘅福山雅治,婚後決定放下男神包袱,為擔正嘅富士電視台新劇《LoveSong》首度挑戰床戲,不過對手並唔係年僅20歲嘅同門小師妹藤原櫻,而係擁有GCup上圍嘅性感女星小泉麻耶,為谷收視索性 ...


【短片】【床戲解禁】 福山雅治獻螢幕童貞 床戰G奶女星搶收視

2016-04-05 07:45:00 HKT

現年47歲嘅福山雅治已告別黃老五行列,佢上年閃娶女星吹石一惠後,人氣似乎正持續下滑,日本娛樂網站爆料指,從未拍過床戲嘅福山雅治,婚後決定放下男神包袱,為擔正嘅富士電視台新劇《Love Song》首度挑戰床戲,不過對手並唔係年僅20歲嘅同門小師妹藤原櫻,而係擁有G Cup上圍嘅性感女星小泉麻耶,為谷收視索性告別「螢幕童貞」,望吸引師奶粉絲回頭力撐。

福山雅治同師妹藤原櫻年紀相差27年,噚日兩位主角為《Love Song》出席記者會,同場仲有同劇拍檔水野美紀、菅田將暉、夏帆等,福山同櫻妹仲即場用結他自彈自唱,而電視台更強調櫻妹係從100個對手中脫穎而出,唱得之餘又有感染力,所以令佢一出道就可以做「月9」檔女主角。

話晒福山同櫻妹嘅年紀做得父女,所以事務所都唔想佢哋上演親熱戲,而作為福山婚後首套劇集,電視台同事務所都認為只許成功,劇組方面特地安排水着女星小泉麻耶同佢喺劇中床戰,希望可以靠今次改戲路來刺激收視。

同時,福山今年秋天仲有主演新片《Scoop》上映,片中佢扮演狗仔隊記者,亦會同年輕女星二階堂富美有纏綿演出。





福山雅治領軍為《Love Song》出席記者會。





福山雅治同師妹藤原櫻於會上自彈自唱。



有指劇組派出G Cup女星小泉麻耶同福山上演床戲。




鍾意就快D Share啦!